संजय सूर्यवंशी

नांदेड : नांदेड जिल्ह्यातील बिलोली तालुक्यात रविवारी सायंकाळी झालेल्या (Nanded News) वादळी वाऱ्यासह अवकाळी पावसामुळे मोठे नुकसान झाले आहे. अचानक सुरू झालेल्या वादळी वारा, पाऊस (Rain) आणि गारपिटीने बिलोली शहरासह परिसराला झोडपले. (Maharashtra News)

अचानक आलेल्या पावसामुळे रविवारच्या आठवडी बाजारात मोठी धावपळ उडाली होती. तर दुसरीकडे वादळी वाऱ्यामुळे काही कौलारू घरांच्या भिंती कोसळल्या. अनेक घरांवरील पत्रे उडून अनेकांचे संसार उघड्यावर आले आहे. गारपिट आणि वादळी वाऱ्यामुळे (farmer) शेतकर्यांचेही मोठे नुकसान झाले.

आंबा, चिकूसह अन्य फळ बागांची झाडे उन्मळून पडली आहेत. वादळी वाऱ्याचा महावितरणला ही मोठा फटका बसला. अनेक ठिकाणी विद्युत खांब कोसळले असून वीजपुरवठा खंडित झाला होता. तर शहरातील मराठवाडा राईल मिलवरील टिन शेड उडाल्याने धान वाळू घालायच्या येंत्रासह धानाचे मोठे नुकसान झाले आहे.