नांदेड : नांदेड जिल्‍ह्यात पावसाने अक्षरशः थैमान घातले आहे. मुसळधार पावसामुळे किनवट तालुक्यातील पैनगंगा नदीला पूर आला आहे. पुरक्षेत्रातील 200 कुटूंबाचे स्थलांतर (Nanded News) करण्यात आले आहे. (nanded news Flood the Panganga river Migration of two hundred families)

मागील तीन– चार दिवसांपासून मुसळधार पाऊस (Heavy Rain) सुरू आहे. या सुरू असलेल्या पावसामुळे नदीत येणारे पाण्याचे प्रमाण लक्षात घेता पैनगंगेचे पाणी किनवटच्या नदीजवळील सखल भागात घुसले आहे. पैनगंगा नदी दुथडी भरुन वाहू लागली आहे. सकाळपासून (Nanded) नांदेड-किनवट हा मार्ग पुराच्या पाण्यामुळे बंद झालेला आहे. जिल्हाधिकारी डॉ. विपीन इटनकर यांच्या मार्गदर्शनाखाली सर्व यंत्रणा सज्ज ठेवण्यात आली आहे.

नागरीकांना दिले अन्‍नाचे पाकिट

नदीला पुर आल्‍याने परिसरातील दोनशे कुटूंबांचे स्‍थलांतर करण्यात आले आहे. तसेच प्रशासनाकडून या लोकांना अन्नाची पाकिटे आणि इतर व्यवस्था केली जात असल्याची माहिती सहाय्यक जिल्हाधिकारी अधिकारी किर्ती कुमार पुजार यांनी दिली.