संजय सूर्यवंशी

नांदेड : नांदेड जिल्ह्यातील धर्माबादची लाल मिरची प्रसिद्ध आहे. धर्माबाद शहरात लाल मिरचीची मोठी बाजारपेठ आहे. यंदा (Nanded News) धर्माबादच्या लाल मिरचील उच्चांकी भाव मिळत आहे. कधी नव्हे ते १८ ते २० हजार रूपये प्रतिक्विंटलने मिरची विकल्या जात आहे. (Tajya Batmya)

यंदा बाजारात मिरचीची आवक कमी झाली परिणामी भाव वाढले. धर्माबादमध्ये अस्सल गावरान मिरची भेटते. त्यात कुठलीही भेसळ किंवा रंगाचा वापर केला जात नाही. तिखट आणि पचायला देखील सोपी असल्याने धर्माबादच्या मिरचीला मागणी आहे. नांदेड जिल्ह्यासह आसपासच्या जिल्‍ह्यातील व्यापारी विशेष करुन तेलंगणा आणि कर्नाटक राज्यातील व्यापारी ईथे मिरची खरेदीसाठी येतात.

रोजची शंभर क्विंटल विक्री

धर्माबाद येथे आता लाल मिरची विक्रीला सुरूवात झाली. आवक कमी असली तरी मागणी चांगली होत आहे. यामुळे धर्माबाद बाजार समितीतून दररोज किमान शंभर क्विंटल मिरची विक्री होत आहे.