संजय सूर्यवंशी

नांदेड : रात्री गावाजवळ असलेल्या ओढ्यात खेकडे पकडायला गेलेल्या युवकांचा दुर्दैवी मृत्यू झाल्याची (Nanded) घटना मुखेड तालुक्यातील सकनूर गावी घडली आहे. विद्युत तारेला स्पर्श झाल्याने दोन युवकांचा जागीच (Death) मृत्यू झाला. (Tajya Batmya)

नांदेडच्या मुखेड तालुक्यातील सकणुर या गावात ही दुर्दैवी घटना घडली आहे. शिवाजी सुरूणवाड आणि संभाजी नागरवाड या युवकांचा मृत्यू झाला आहे. शिवाजी व संभाजी यांच्यासह गावातील दोन युवक रात्रीच्या सुमारास सकनुर गावाच्या ओढ्यात खेकडे पकडण्यासाठी गेले होते. (Electric Shock) ओढ्यात खेकडे पकडण्यापूर्वीच त्या दोघांना मृत्यूने गाठले.   

विद्युत तारेला स्पर्श 

दरम्यान शेतशिवारात डुकरांचा मोठा त्रास आहे. शेतातील पिकांचे नुकसान करत असल्याने शेतकऱ्याने रानडुक्करांसाठी तारेत विद्युत प्रवाह सोडला होता. खेकडे पकडण्यासाठी गेलेल्या चार पैकी दोन युवकांचा या तारेला स्पर्श झाला आणि यात त्यांचा जागीच मृत्यू झाला.