नांदेड : बारा वर्षीय बालिकेवर बलात्कार करणाऱ्या नराधमास नांदेडच्या न्यायालयाने 20 वर्ष सक्त मजुरी आणि १२ हजार रुपये दंडाची शिक्षा सुनावली आहे. सुबोध मवाडे असे शिक्षा झालेल्या नराधमाचे नाव आहे. (Tajya Batmya)

लिंबगाव पोलिस ठाण्याच्या हद्दीत २०२० मध्ये १२ वर्षीय अल्‍पवयीन मुलगी अंगणात झाडलोट करत होती. यावेळी गावातीलच सुबोध मवाडे याने मुलगी एकटीच असल्याची संधी साधत तिला जबरदस्तीने उचलून नेऊन तिच्यावर बलात्कार केला. या प्रकाराने मुलगी घाबरली होती.

दोन वर्षानंतर शिक्षा

पिडीतेने आजी आणि बहिणीला हा प्रकार सांगितला. त्यानंतर लिंबगाव पोलिस ठाण्यात नराधम सुबोध ला विरोधात पोस्को कायद्या अंतर्गत गुन्हा दाखल करुन अटक करण्यात आली होती. यानंतर गुरूवारी (१२ जानेवारी) नांदेडच्या न्यायालयाने सुबोधला २० वर्ष सक्तमजुरी आणि १२ हजाराचा दंड ठोठावला आहे.