संजय सूर्यवंशी

नांदेड : पत्नी झोपेत असताना पटीने तिची हत्या केली. हत्या केल्यानंतर पतीने घरातच गळफास घेत आत्महत्या केल्याची घटना (Nanded) नांदेड जिल्ह्यात घडली आहे. या घटनेने नांदेड जिल्हा (Crime News) हादरला आहे. (Breaking Marathi News)

नांदेड जिल्ह्यातील किनवट तालुका आज सकाळी घडलेल्या या हत्येच्या घटनेने हादरला आहे. किनवट तालुक्यातील भिसी गावात ही घटना घडली आहे. पतीने आपल्या पत्नीची झोपेत हत्या केली आणि त्यानंतर त्याने स्वतः गळफास घेऊन आत्महत्या केली. रुपाली भालेराव (वय २९), मारुती भालेराव (वय ३५) अस पती पत्नीचे नाव आहे. 

हत्येचे कारण अस्पष्ट 

बुधवारी सकाळी रुपाली यांचा मृतदेह घरातील पलंगावर आढळून आला, तर मारुती यांचा मृतदेह देखील घरात लटकलेल्या अवस्थेत आढळून आला. घटनेची माहिती मिळताच पोलिसांनी घटनास्थळी धाव घेतली. पोलीस या घटनेचा तपस करत आहेत. मात्र हत्येचे कारण मात्र समजू शकले नाही.