Nagpur News : नागपूरमधील रामटेकचे शिवसेना आमदार आशिष जायस्वाल यांचा एक व्हिडीओ सध्या व्हायरल होत आहे. या व्हिडीओत आशिष जायस्वाल हे पोलिसांना शिवीगाळ करत असल्याचं समोर आलं आहे. त्यांचा हा व्हिडिओ सोशल मीडियावर व्हायरल होत आहे. 

शुक्रवारी सायंकाळी नागपूर जिल्ह्यातील कन्हान येथे आठवळी बाजारात चार गावगुंडांनी तलवारी फिरवत हैदोस घातला होता. त्यानंतर संतप्त नागरिकांनी गुंडांवर कारवाई करावी यासाठी पोलीस ठाण्याला घेराव केला होता. त्यावेळी शिवसेना (Shivsena) आमदार आशिष जैस्वाल देखील तेथे पोहचले.

पोलिसांची गुंडांना भीती वाटत नाही, पोलीस अवैद्य धंदे वाल्याकडून हप्ते घेतात त्यामुळे कन्हान शहरात अशा घटना घडतात असा आरोप करत आमदार आशिष जैस्वाल यांनी पोलिसांना (Police) शिवीगाळ केली.

शुक्रवाच्या घटनेतील गावगुंड शैलेश सलामे, निखिल गजभिये, शुभम सलामे आणि गजानन कडनायके यांच्या हैदोसचा देखील व्हिडिओ समोर आला आहे. या व्हिडिओमध्ये गुंड तलवार फिरवतांना स्पष्ट दिसून येत आहे. महत्वाचे म्हणज हैदोस घालणारे हे गावगुंड अजूनही फरार असून पोलीस त्यांचा शोध घेत आहे. यामुळे संतापलेल्या आशिष जायस्वाल यांनी कारवाई का केली नाही, म्हणत पोलिसांनाच शिवीगाळ केली.