Nagpur News Today: नागपूरमधून एक मोठी बातमी समोर येत आहे. नागपूर जिल्ह्यातील उमरेड कऱ्हांडला जवळ टायगर पॅराडाईज रिसॅार्टवर पोलिसांनी छापा टाकला आहे. या रिसॅार्टवर झिंगाट पार्टी आणि अश्लील नृत्य सुरू असल्याची माहिती पोलिसांना मिळाली होती. मिळालेल्या माहितीनुसार पोलिसांनी रिसॉर्टवर छापा टाकत ६ डान्सर मुलींसह १२ पुरुषांवर कारवाई केली आहे. कारवाईदरम्यान विदेशी दारूसह रोकड देखील जप्त करण्यात आले आहे. (Latest Marathi News)

अधिक माहिती अशी की, नागपूरमधील उमरेड कऱ्हांडला परिसरात असलेल्या पॅराडाईज नावाच्या रिसॉर्टमध्ये झिंगाट पार्टी सुरू होती. याची माहिती पोलिसांना मिळाली. मिळालेल्या माहितीनुसार पोलिसांनी (Police) त्या ठिकाणी छापा टाकला.

पोलिसांनाही रिसॉर्टमधील दृष्य पाहून धक्का बसला. या रिसॉर्टवर दारू पार्टी आणि अश्लील नृत्य सुरू होते. या प्रकरणात पोलिसांनी ६ डान्सर मुली आणि १२ पुरुषांवर कारवाई केली आहे. या कारवाईत नागपूर आणि भंडारा जिल्ह्यातील काही डॉक्टर आणि बड्या व्यापाऱ्यांचा देखील समावेश असल्याची माहिती समोर येत आहे. (Nagpur News)

या कारवाई दरम्यान पोलिसांनी मोठ्या प्रमाणात विदेशी दारूचा साठा आणि रोकड देखील देखील जप्त केली आहे. या प्रकरणात पुढील तपास सुरू असल्याची माहिती पोलिसांकडून देण्यात आली आहे.