नागपूर : कुख्यात राजा गौस टोळीचा सदस्य असलेला गुंड शोएब सलीम खान याने कारागृह अधिकारी हेमंत इंगोले यांच्यावर कारागृहातच प्राणघातक हल्ला (Attack) केल्याची खळबळजनक घटना घडली आहे. अचानक झालेल्या हल्यात हेमंत इंगोले जखमी झाले आहे. कारागृहातील कर्मचारी आणि अन्य कैद्यांच्या मदतीने शोएब सलीम खानला आवरण्यात आले. मात्र, त्यानंतर त्याची धुलाई करण्यात आल्याने तो थेट रुग्णालयात पोहचला आहे. हेमंत इंगोले यांच्या तक्रारीकरून धंतोली पोलीस ठाण्यात शोएब सलीम खान विरुद्ध गुन्हा (Case) दाखल करण्यात आला आहे.

हे देखील पहा :

सात वर्षांपूर्वी राजा गौस आणि त्याच्या चार साथीदारांनी नागपूर (Nagpur) मध्यवर्ती कारागृहाची अभेद्य सुरक्षा व्यवस्था भेदून पळ काढला होता. गुंड शोएब सलीम खान 2013 पासून मोक्का कायद्याच्या अंतर्गत कारागृहात कैद आहे. त्याने 2015 साली राजा गौसच्या मदतीने जेल मधून धूम ठोकली होती. त्याला अटक झाल्यानंतर त्याला स्वतंत्र कोठडीत ठेवण्यात आले होते.

त्याचा राग मनात धरून शोएब सलीम खानने तुरुंग अधिकारी हेमंत इंगोले यांच्यावर हल्ला केला असल्याचं निष्पन्न झालं आहे. काही दिवसांपूर्वी शोएब सलीम खानच्या बॅरेकची तपासणी करण्यात आली तेव्हा त्यात धारधार तार आणि काही आक्षेपार्ह साहित्य मिळून आले होते, त्यामुळे तो पुन्हा काही तरी मोठं करण्याच्या तयारी होता या शंकेला वाव असल्याने जेल अधिकाऱ्यांनी त्याची सखोल चौकशी केली होती. त्या रागातून शोएब सलीम खानने हेमंत इंगोले यांच्यावर हल्ला केला आहे.

Edited By : Krushnarav Sathe