Rain Alert Saam tv
महाराष्ट्र

Rain Alert : पूर्व विदर्भात येलो अलर्ट; नागपुरसह अनेक भागात जोरदार पावसाचा इशारा

Nagpur News : वाशीम, बुलढाणा, जालना जिल्ह्यात दोन दिवसांपासून जोरदार पाऊस होत असल्याने जनजीवन विस्कळीत झाले आहे. यात नागपूर शहर व परिसरात देखील आज पावसाला सुरुवात झाली. मुसळधार पावसाची शक्यता देखील वर्तविली आहे

Rajesh Sonwane

पराग ढोबळे 

नागपूर : मागील काही दिवसांपासून पावसाने दडी मारली होती. नागपुरात सकाळी देखील ऊन पाहायला मिळाले. मात्र दुपारच्या सुमारास अचानक वातावरणात बदल होऊन पावसाच्या सरी पडायला सुरुवात झाली आहे. दरम्यान पूर्व विदर्भात आज हवामान विभागाकडून येलो अलर्ट देण्यात आलेला आहे. त्यानुसार अनेक ठिकाणी पावसाचे आगमन झाले असून उद्या मुसळधार पावसाची शक्यता वर्तविण्यात आली आहे.  

मागील काही दिवसांपासून अधून मधून पावसाच्या सरी पडत होत्या. यातच दोन दिवसांपासून राज्यातील अनेक भागात जोरदार पाऊस होत आहे. काही ठिकाणी पर्जन्य परिस्थिती निर्माण झाली आहे. यात वाशीम, बुलढाणा, जालना जिल्ह्यात दोन दिवसांपासून जोरदार पाऊस होत असल्याने जनजीवन विस्कळीत झाले आहे. यात नागपूर शहर व परिसरात देखील आज पावसाला सुरुवात झाली आहे. यातच मुसळधार पावसाची शक्यता देखील वर्तविली आहे. 

तीन- चार दिवस पावसाचा अंदाज 

नागपुरात २३ आणि २४ रोजी हवामान विभागाकडून येलो अलर्ट दिला आहे. यात मुसळधार पावसाचा अंदाज व्यक्त केला जात आहे. तसेच २४ जुलैनंतर ऑरेंज अलर्ट सुद्धा देण्यात आला आहे. आज पुढील काही तासात चंद्रपूर, गडचिरोली, वर्धा, यवतमाळ, भंडारा या जिल्हयात पावसाचा अंदाज व्यक्त केला आहे. तर २५ आणि २६ रोजी नागपूर, भंडारा, गोंदिया, चंद्रपूर, गडचिरोली या जिल्हयात ऑरेंज अलर्ट देण्यात आला आहे.

मराठवाड्यात पावसाचे पुनरागमन 

पेरणीनंतर गायब झालेल्या पावसाने सर्वदूर हजेरी लावली. काल दिवसभरानंतर आज सकाळी मराठवाड्यात पावसाने पुनरागमन केले आहे. विभागातील ३० महसूल मंडळांमध्ये अतिवृष्टीची नोंद झाली. परभणी जिल्ह्यात सर्वाधिक ४३.८ मिलिमीटर तर छत्रपती संभाजीनगर जिल्ह्यात सर्वात कमी ९.१ मिमी पाऊस झाला. अतिवृष्टी झालेल्या मंडळामध्ये जालन्यातील ६ बीडमधील ६ लातूरमधील १ धाराशिव मधील २ नांदेड मध्ये २ परभणीत ९ हिंगोलीत ४ मंडळात अतिवृष्टी झाली. 

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Anganwadi Workers: अंगणवाडी सेविकांची दिवाळी गोड होणार! सरकारकडून भाऊबीज गिफ्ट; २००० रुपये मिळणार

Maharashtra Live News Update: २६ ऑक्टोबरपासून नाशिक-दिल्ली आणि हैदराबाद मार्गावर प्रत्येकी २ फ्लाइट

Jio New Recharge Plan: भन्नाट ऑफर! १०० रुपयांत मिळणार हजारो रुपयांचे फायदे; डेटा, मनोरंजन आणि अतिरिक्त ऑफर्स फ्री

Success Story: सरकारी नोकरी सोडली, UPSC परीक्षेत दोनदा फेल, जिद्द नाही सोडली, तिसऱ्या प्रयत्नात IAS; सर्जना यादव यांचा प्रवास

Asia Cup 2025 Final: भारत आणि पाकिस्तानमध्ये फायनल,आशिया कप स्पर्धेत कोण बाजी मारणार?

SCROLL FOR NEXT