पराग ढोबळे 

नागपूर : नागपूरच्या कारागृह पोलीस भरतीसाठी परीक्षा झाली. या परीक्षेत स्पाय माईकचा वापर करून कॉपी करण्यात आल्याचा प्रकार समोर आला आहे. यात परीक्षा केंद्रावर स्पाय माईकचा वापर करणारा परीक्षार्थी व त्याला मदत करणाऱ्याविरुद्ध गुन्हा दाखल करण्यात आला असून दोघांना ताब्यात घेतले आहे. 

नागपूरच्या (Nagpur News) कारागृह पोलीस शिपाईसाठी २९ सप्टेंबरला मानकापूर क्रीडा संकुलात लेखी चाचणी परीक्षा घेण्यात आली. दुपारी तीन वाजताच्या सुमारास परीक्षेला सुरुवात झाली असता यात एक परीक्षार्थी संशयास्पद हालचाली करत पुटपुटत असल्याचे दिसून आले. यावरून त्याला ताब्यात घेतले तेव्हा त्याच्या कानात एक स्पाय माईक दिसून आला. तसेच अंगझडती घेतली असता एक मोबाईल आणि एक ब्लुटूथ डिव्हाईस देखील मिळून आले आहे.

एकाला घेतले ताब्यात 

किसन जोनवाल असे स्पाय माईकचा वापर करणाऱ्या परीक्षार्थीचे नाव आहे. तर जिवन काकरवाल असे त्याला मदत करणाऱ्याचे नाव आहे. (Police) पोलिसांनी दोन्ही आरोपीवर गुन्हा दाखल केला असून किसन जोनवाल याला अटक केली आहे. तर त्याचा साथीदाराचा शोध सुरू आहे पुढील तपास सुरू आहे. मात्र जीवन हा पसार झाला असून त्याचा शोध सुरू आहे. तसेच यामध्ये आणखी आरोपी असण्याची शक्यता पोलिसांनी वर्तविली असून पोलिसांकडून याचा तपास सुरू आहे.