नदीपात्रात बुडून दोन शाळकरी मुलांचा मृत्यू झाल्याची घटना नागपूरमध्ये घडलीय. सुट्टी असल्यामुळे दोघेही पोहायला नदीवर गेले होते. परंतु पाण्याच्या खोलीचा अंदाज न आल्यामुळे एक मित्र पाण्यात बुडायला लागला, त्यामुळे दुसरा मित्र त्याला वाचवायला गेला. परंतु, नियतीच्या मनात काही वेगळंच होतं. या दोघांचाही पाण्यात बुडाल्यामुळे मृत्यू झालाय.
नागपूर जिल्ह्यातील रामटेक पोलीस स्टेशन हद्दीत ही धक्कादायक घटना घडली (Nagpur News) आहे. महादूला येथे पोहण्याच्या मोहात दोन शाळकरी मुलांनी जीव गमावला आहे. वृषभ राजेंद्र गाडगे आणि रोहन सुभाष साऊसाखडे अशी मृतक मुलांची नावे आहे. ते दोघेही इयत्ता ८ व्या वर्गात शिकत होते. दोघांची घट्ट मैत्री होती. काल सकाळी अकरा वाजता ही घटना घडलेली आहे.
काल ७ सप्टेंबर रोजी गणेशोत्सवाची सुट्टी (died after drowning in river) होती. त्यामुळे गौरी विसर्जनाच्या कार्यक्रमासाठी हे दोघेही महिलांसोबत नदीवर गेले होते. नदीकाठी खेळत असताना पाणी बघून या दोघांनाही पाण्यात उतरण्याचा मोह आवरला नाही. त्यांनी पोहण्यासाठी पाण्यात उडी घेतली, परंतु पाण्याचा अंदाज त्यांना आला नाही. त्यामुळे एक मित्र खोल पाण्यात बुडायला लागला. दुसरा मित्र त्याला वाचवण्यासाठी गेला असता, तोही पाण्यात बुडाला.
काल सकाळी अकरा वाजेच्या सुमारास ही घटना घडली (Ramrtek Police Station Area) होती. परंतु, काल उशिरापर्यंत शोध मोहिम सुरू होती, तरी यांचे मृतदेह सापडले नव्हते. आज ८ सप्टेंबर रोजी सकाळपासून गोताखोर आणि एसडीआरएफ पथकाकडून पुन्हा शोधमोहीम राबवली गेली, तेव्हा दोघांचे मृतदेह (Death) मिळून आलेत. या घटनेनंतर दोन्ही मुलांच्या कुटुंबीयांवर मात्र दु:खाचा डोंगर कोसळलेला आहे. नदीकाठी गेल्यानंतर खोलीचा अंदाज घेवूनच पाण्यात उतरणे गरजेचे आहे, अन्यथा अनर्थ होवू शकतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.