पराग ढोबळे 

नागपूर : उदरनिर्वाहासाठी रेल्वे स्टेशन परिसरात काही जण दुकान लावत असतात. मात्र दुकान लावण्यासाठी काहीजण पैसे घेत असतात. असाच प्रकार नागपूर रेल्वे स्टेशन परिसरात समोर आला असून; दुकानदाराकडून खंडणी मागणाऱ्या तिघांना पोलिसांनी ताब्यात घेतले आहे. 

नागपूर (Nagpur) रेल्वे स्टेशन परिसरात नेहमीप्रमाणे दुकान लावले जात होते. मात्र स्टेशन परिसरात दुकान लावणाऱ्या दुकानदारांस दुकान चालवण्यासाठी खंडणी मागण्यात आली, त्याने पैसे देण्यास विरोध केल्याने दुकानातील साहित्य फेकून देत दुकानदारास मारहाण करण्यात आल्याची घटना घडली. या (Railway Station) प्रकरणी खंडणी मागणी व मारहाण केल्याप्रकरणी दुकानदाराने बर्डी पोलिसात अज्ञात गुंडाविरुद्ध गुन्हा दाखल करण्यात आला होता.

पोलिसांनी (Police) सदर प्रकरणाचा तपास करत तिघांना अटक करण्यात आली. या तिघांपैकी दोन जण हे सराईत गुन्हेगार असल्याची माहिती समोर आली आहे. यात चेतन गोखले, सोमनाथ उर्फ बाळू जाधव असे नाव असून बाळूला तडीपारीची कारवाई सुद्धा करण्यात आली होती. या प्रकरणी पुढील तपास बर्डी पोलीस करत आहे.