Veteran Journalist Arun Phanshikar death : नागपूरमधील ज्येष्ठ पत्रकार अरूण फणशीकर यांचा संशयास्पद मृत्यू झाला आहे. त्यांच्या घराजवळील विहिरीत पोटाला दगड बांधलेल्या अवस्थेत त्यांचा मृतदेह आढळून आला आहे. पोटाला दगड बांधला असल्याने त्यांनी आत्महत्या केली असावी असा अंदाज पोलिसांनी व्यक्त केला आहे.

अरुण फणशीकर नागपूरमधील 70, आदित्य अपार्टमेंट, गिरीपेठ येथे राहात होते. आज सकाळी ते नेहमीप्रमाणे घराबाहेर फिरायला गेले होते. परंतु बराच वेळा उलटूनही ते घरी न परतल्याने कुटुंबियांनी पोलिसांकडे ते बेपत्ता झाल्याची तक्रार केली होती. त्यानंतर पोलिसांनी त्यांचा शोध सुरू केला.

दरम्यान फणशीकर यांच्या घराजवळी विहिरीत त्यांचा मृतदेह आढळून आला. विशेष म्हणचे त्यांच्या कमरेला दगड बांधलेला होता. त्यामुळे त्यांच्यासोबत घातपात झालाची शंका व्यक्त केली जात आहे. या घटनेनंतर परिसरात खळबळ उडाली आहे. फणशीकर यांनी आत्महत्या केली की त्यांची हत्या झाली याचा तपास पोलीस करीत आहेत. (Breaking News)

अरूण फणशीकर नागपूर श्रमिक पत्रकार संघाचे माजी अध्यक्ष होते. त्यांनी हितवाद, इंडियन एक्सप्रेस, हिंदुस्थान टाइम्स अशा वर्तमानपत्रात काम केले आहे. त्यांनी पत्रकारितेची सुरुवात नागपूरमध्ये एका दैनिकातून केली होती. हितवाद या वृत्तपत्रात काम केल्यानंतर ते इंडियन एक्सप्रेसच्या नागपूर आवृत्तीत मुख्य वार्ताहर म्हणून रुजू झाले. त्यांनी जनसंवाद विभागातही अनेक वर्षे अध्यापनाचं काम केलं. त्यांच्या आकस्मिक निधनाने नागपूरच्या वृत्तपत्रसृष्टीला धक्काबसला आहे. (Latest Marathi News)