पराग ढोबळे, साम टीव्ही नागपूर

नागपूरमध्ये सध्या काय चाललंय? असा सवाल आता निर्माण होत आहे. मागील काही दिवसांपासून जोडप्यांचे भररस्त्यात वाहनांवर अश्लील चाळे सुरू असल्याच्या घटना समोर आल्या होत्या. त्यानंतर आता पुन्हा एक विचित्र आणि धक्कादायक व्हिडिओ समोर आलाय. एक तरुणी स्वतःला सांभाळू शकत नसताना तरुण तिला सांभाळतो आणि घेऊन जाताना पडतो, असा हा व्हायरल व्हिडीओ नागपुरमधून सामोर येत आहे.

तरूणीला सांभाळायला गेला...,

गेल्या काही दिवसांपासून नागपूरमधून एकामागून एक धक्कादाय व्हिडिओ समोर येत (Nagpur News) आहे. हा व्हिडीओ नागपुरातील बजाज नगर पोलीस स्टेशनला हद्दीतील असल्याचं सांगितलं जात आहे. तरुणी ही कुठल्या तरी नशेत असल्याचा कयास लावला जात आहे. तरूण तरुणीला सांभाळताना दिसत असल्याचं व्हिडीओमध्ये दिसतंय.

व्हायरल व्हिडिओनंतर खळबळ

व्हिडिओमध्ये दिसतंय की, तरुणीला चालता येत नसल्याने तो तरूण तिला उचलत नेत (Viral Video) आहे. थोडं अंतर चालल्यानंतर पाय अडकून दोघेही खाली पडतात.हा व्हिडिओ नेमकं केव्हाचा आहे, हे अजून स्पष्ट झालेलं नाही, तरी व्हिडिओ सध्या सोशल मीडियावर झपाट्याने व्हायरल होत आहे. बजाज नगर पोलिसांनी या संदर्भात एका खाजगी कॉलेजला विचारणा केली आहे. परंतु याबद्दल अजून कुठलीही माहिती उपलब्ध झाली नसल्याचं पोलीस सूत्रांकडून सांगितलं जात आहे.

नागपूरमध्ये चाललंय काय?

गेल्या आठवड्याभरात प्रेमी युगलांचे अश्लील चाळे करणारे कार आणि दुचाकीवरील व्हिडिओ समोर आले (Couple Viral Video) होते. या सर्व घटनांमुळे नागपूरमध्ये चाललंय काय? असा सवाल आता विचारला जात आहे. मागील आठवड्यामध्ये एका कुख्यात गुंडाने दुचाकीवर प्रेयसीसोबत भररस्त्यात रोमान्स केल्याचा व्हिडिओ व्हायरल झाला (Intoxicating) होता, तर त्यापूर्वी भरधाव कारमध्ये स्टीअरिंगवर बसून तरूणीने प्रियकरासोबत अश्लील चाळे केल्याची घटना देखील समोर आली होती. या सर्व घटनांमुळे शहराच्या संस्कृतीला गालबोट तर लागत नाही ना, असा प्रश्न देखील निर्माण होतोय.