नागपूर : नागपुरात कोरोना बाधितांच्या संख्येने शंभरी गाठली आहे. अलिकडच्या काही दिवसात सातत्याने कोरोना बाधितांची संख्या वाढत चालली आहे. गेल्या २४ तासात १०५ कोरोना (Corona) बाधितांची नोंद करण्यात आली. (nagpur news Corona died six months later 105 new infections in 24 hours)

सध्या जिल्ह्यात एकूण सक्रिय रूग्ण ५१५ असून यात (Nagpur News) शहरातील ३६०, ग्रामीणमधील १५५ बाधितांचा समावेश आहे. गेल्या सहा महिन्यात प्रथमच २ जुलैला एका कोरोना बाधीताच्या मृत्यूची (Corona Death) नोंद करण्यात आली. हा रूग्ण ग्रामीणमधील होता. यामुळे चिंता वाढू लागली आहे.

प्रशासनाचे आवाहन

कोरोना पूर्णपणे गेलेला नाही; हे लक्षात घेता नागरिकांनी काळजी घ्यावी आणि सार्वजनिक ठिकाणी मास्क वापरीत कोरोना नियमांचे पालन करावे असे आवाहन महापालिका प्रशासनाने केले आहे. कोरोना बाधितांच्या संख्येत होत असलेली वाढ पाहाता नागरिकांनी किमान गर्दीच्या ठिकाणी मास्क वापरण्याचे आवाहन प्रशासनाने केले आहे.