नागपूर : गरीब माणसाला सरकारकडून स्वस्त दरात मिळणाऱ्या तांदूळाची काळाबाजार करून मार्केटमध्ये आणण्याचा प्रयत्न फसला. नागपूरच्या (Nagpur News) कळमना पोलिसांनी (Police) रेशनच्या चार हजार किलो तांदळाची काळाबाजार करताना दोन आरोपींना अटक केली. एका बोलेरो गाडीमधून याची वाहतूक केली जात होती. (Maharashtra News)

कळमना पोलीस स्टेशन हद्दीत चिखली रोडवर एक पिकअप गाडी बंद पडली होती. त्या ठिकाणी गस्तीवर असलेल्या पोलिसांनी त्याची चौकशी केली असता गाडीमध्ये तांदूळ असल्याचे पुढे आले. यावरून पोलिसांनी वाहन चालकाला बिल संबंधित विचारणा केली. मात्र त्याच्याकडे कुठलेही बिल नव्हते आणि हे गोडाऊनमधून भरून मार्केटमध्ये नेत असल्याचा त्यांनी सांगितले.

गोडाऊनवर जाऊन तपासणी

पोलिसांच्या तपासांत हा तांदूळ सरकारी धान्य दुकानातील असल्याचे पुढे आले. पोलिसांनी गोडाऊनवर सुद्धा जाऊन तपासणी केली. मात्र त्या ठिकाणी आणखी धान्य मिळून आले नाही. गरिबांच्या हक्काचे चार हजार किलो तांदूळ बाजारामध्ये विक्रीसाठी जाताना पकडण्यात पोलिसांना यश आले.