नागपूर : आता गावातील सरपंच पावसाचा अचूक अंदाज सांगणार आहे. यासाठी नागपूर (Nagpur) जिल्ह्यातील ७० मंडळात स्वयंचलीत हवामान केंद्र लावण्यात आले आहेत. ग्रामपंचायत हद्दीत लावलेल्या या स्वयंचलीत हवामान (Weather) केंद्रामुळे त्या गावासह परिसरातील गावांना पावसाचा अचूक अंदाज कळणार आहे. (Latest Marathi News)

गेल्या काही दिवसांत पावसाचा पॅटर्न बदललाय. एका गावात मुसळाधार पाऊस पडतो, तर चार किलोमीटर अंतरावर कडक उन पडतं. यामुळे आता गावागावात लागलेल्या हवामान केंद्रामुळे त्या गावात (Gram Panchayat) पाऊस पडणार की नाही, याचा अचूक अंदाज येणार आहे. त्यामुळे पावसाअभावी शेतकऱ्यांचे होणारं नुकसान कमी करणं शक्य आहे. 

होणारे नुकसान टाळता येईल 

स्कायमेटच्या मुळमहावेध प्रकल्पाअंतर्गत नागपूर जिल्ह्यातील ७० ग्रामपंचायत हद्दीत हे स्वयंचलीत हवामान केंद्र लावण्यात आले आहेत. या हवामान केंद्रामुळे ७० ग्रामपंचायतीसह आजूबाजूच्या परिसरातील पावसाचा अंदाज घेता येणार आहे. पावसाच्या अचूक अंदाजासाठी शेतकऱ्यांना होणार मदत होणार असून पेरणीनंतरचं शेतकऱ्यांचं नुकसान कमी होणार आहे.