नागपूर हिट अँड रन प्रकरणात मोठी अपडेट समोर आली आहे. याप्रकरणातील मृतांचा आकडा वाढला आहे. उपचारादरम्यान ४ वर्षांच्या चिमुकलीचा मृत्यू झाला आहे. त्यामुळे या अपघात प्रकरणातील मृतांचा आखडा ३ वर गेला आहे. रविवारी मध्यरात्री नागपूरच्या दिंघोरी नाक्याजवळ रस्त्याच्या कडेला फुटपाथवर झोपलेल्या ९ जणांना भरधाव कारने चिरडले होते. या अपघातामध्ये दोघांचा जागीच मृत्यू झाला होता.
नागपूरच्या दिघोरी नाक्याजवळ रविवारी मध्यरात्री हिट अँड रनची ही घटना घडली होती. मध्यरात्री १२.३० वाजता ही घटना घडली होती. रस्त्याच्या कडेला फुटपाथवर बंजारा कुटुंब झोपले होते. त्यावेळीच भरधाव कारने त्यांना चिरडले. या कारने ९ जणांना चिरडले होते. या अपघातामध्ये एक महिला आणि एका पुरुषाचा जागीच मृत्यू झाला होता. तर आज उपचारादरम्यान ४ वर्षांच्या चिमुकलीचा मृत्यू झाला आहे.
नागपूर हिट अँड रन प्रकरणात नागपूर पोलिसांनी कार चालकासह ६ जणांना अटक केली आहे. कार चालक मद्यधुंद अवस्थेत कार चालवत होता. तसंच, कारमधील इतर सर्वजण देखील दारु प्यायले होते. या सर्वांची वैद्यकीय तपासणी करण्यात आली असून ते दारु प्यायले होते हे उघड झाले आहे. या अपघात प्रकरणामुळे नागपूरमध्ये खळबळ उडाली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.