पराग ढोबळे 
नागपूर : नागपूरमध्ये धक्कादायक घटना समोर आली आहे. एका ज्वेलरी दुकानासमोर एकजण येऊन शिवीगाळ करत होता. त्याला दुकान मालकाने हटकले असता त्याचा राग आल्याने पाच- सहा जणांना सोबत घेऊन ज्वेलरी दुकानावर दगडफेक करत तोडफोड केली. हा संपूर्ण प्रकार दुकानाबाहेर लावण्यात आलेल्या सीसीटीव्ही कॅमेरात कैद झाला आहे. 

नागपूरच्या घास बाजार परिसरात हि धक्कादायक घटना घडली आहे. यात ज्वेलरी दुकान चालक पद्माकर पराते हे दुकानात असताना याच्या दुकाना समोर रात्री संशयित आरोपी केशरीनंद नाईक हा शिवीगाळ करत होता. यावेळी त्याला पराते यांनी हटकत शिवीगाळ करू नको असे सांगितले. यानंतर नाईक याला काही लोक त्याला घेऊन गेले. त्यानंतर आरोपी तिथेन निघून गेला आणि थोडावेळ तो काही युवकाना घेऊन परत आला. 

दुकानात येत केली तोडफोड 

दुकानासमोर शिवीगाळ करत असल्याने हटकवून झालेल्या वादानंतर पाच ते सहा टवाळखोरांना घेऊन आला. यानंतर त्याने ज्वेलर शॉपची तोडफोड केली. केशरीनंद नाईक असं मुख्य आरोपीचे नाव आहे. दुकानावर दगडफेक  केल्याने पद्माकर पराते यांच्या दुकानाचे मोठे नुकसान झाले आहे. ही सर्व घटना सीसीटीव्हीत कैद झाली आहे.

पोलिसांनी घेतले ताब्यात 

दरम्यान दुकानाची तोडफोड करण्यासोबतच नाईक याने फिरीयादी पराते आणि त्याच्या वडिलांना जिवे मारण्याची धमकी दिली आणि दुकानावर दसगडफेक करत तोडफोड केली. याप्रकरणी पराते यांनी पोलिसात तक्रार दिल्यानंतर यात गुन्हा दाखल करण्यात आला. या नंतर सर्व आरोपीना पोलिसांनी ताब्यात घेतले आहे. मात्र घास बाजार परिसरातील या घटनेने गुंडांची वाढती दादागिरी वाढली हे पुढे येत आहे.