Nagpur Crime News: नागपूरमधून एक धक्कादायक घटना समोर आली आहे. लिफ्ट देण्याच्या बहाण्याने विद्यार्थीनी व महिलांशी अश्लील चाळे करणाऱ्या 65 वर्षीय ज्येष्ठ नागरिकाला नागपूरच्या बेलतरोडी पोलिसांनी सापळा रचून अटक केली. या घटनेने परिसरात एकच खळबळ उडाली आहे. (Latest Crime News In Marathi)

काय आहे संपूर्ण प्रकरण?

याबाबत अधिक माहिती अशी की, लिफ्ट देण्याच्या बहाण्याने विद्यार्थीनी व महिलांशी अश्लील चाळे करणाऱ्या 65 वर्षीय ज्येष्ठ नागरिकाला नागपूरच्या (Nagpur) बेलतरोडी पोलिसांनी सापळा रचून अटक केली. पांडुरंग दांडेकर असून असे आरोपीचे नाव असून तो पाटबंधारे विभागातील निवृत्त कर्मचारी आहे.

गेल्या काही दिवसांपासून आरोपी पांढऱ्या रंगाच्या ॲक्टिवाने बेलतरोडी परिसरात पायी जाणाऱ्या महिला व मुलींना हेरायचा. तसेच लिफ्ट देण्याच्या बहाण्याने त्यांच्याशी अश्लील चाळे करायचा. धक्कादायक म्हणजे याबाबत कोणाला सांगितलं तर ठार मारण्याची धमकी द्यायचा. त्यामुळे घाबरलेल्या महिलांनी या संदर्भात पोलीस तक्रार केली नाही.

मात्र काही दिवसा अगोदर 16 वर्षीय विद्यार्थिनीशी त्याने अशाच पद्धतीचे अश्लील चाळे केले. विद्यार्थिनीने घडलेला हा प्रकार घरी सांगितला आणि आरोपीचे बिंग फुटले. पालकांनी पोलीस स्टेशनमध्ये या संदर्भात तक्रार दिल्यावर गुन्हा दाखल करण्यात आला.

पोलिस उपायुक्त विजयकांत सागर यांच्या मार्गदर्शनाखाली बेलतरोडी पोलिस स्टेशनच्या वरिष्ठ पोलिस निरीक्षक वैजयंती मंडवधरे आणि त्यांच्या सहकाऱ्यांनी संपूर्ण बेलतरोडीतील सीसीटीव्ही (CCTV) फुटेज तपासले. ज्यानंतर आरोपीला सापळा रचत पोलिसांनी ताब्यात घेतले आहे. (Latest Marathi News)