नागपूर : नागपूरात शहरात शुल्लक कारणावरुन हत्या होण्याचे सत्र सुरूच असून, आज त्यात नव्याने एका हत्येची भर पडली आहे. नागपूर शहरातील नंदनवन पोलीस स्टेशन हद्दीत काल रात्री झालेली हत्या, आज सकाळी उघडकीस आली आणि अतिशय शुल्लक कारणावरून मित्रांनीच त्याच्या मित्राची हत्या केल्याचे स्पष्ट झाले आहे. नागपूरच्या केडीके (KDK) कॉलेज येथे काल रात्री मित्राच्या फ्लॅटवर तीन मित्रांनी पार्टी आयोजित केली होती.

हे देखील पहा :

या पार्टी मध्ये गाणं वाजवत असताना या गाण्याचा गायक कोण यावरून दोन मित्रांमध्ये किरकोळ वाद झाला. पार्टी संपल्यानंतर आरोपी आणि मृतक घरी जायला निघाले. घराजवळ पोहचले असता, परत त्यांचात त्याच गाण्याच्या गायकावरून वाद झाला. वादानंतर आरोपीने घरी जाऊन चाकू आणला त्यानंतर आरोपीने मृतक तुषार वर चाकूने वार केले. यात तुषार जखमी झाला. आरोपीने त्याच अवस्थेत तुषारला हॉस्पिटलमध्ये दाखल केले. आकाश गोंड असे आरोपीचे नाव आहे.

मात्र, त्याचा मृत्यू झाल्यानंतर आरोपीने तिथून पळ काढला. आरोपी आकाश गोंड आणि त्याचा मित्र याला पोलीसानी ताब्यात घेतले याच आरोपीच्या नावे दोन गुन्हे अजूनही दाखल आहेत. हे तीन मित्र ज्या फ्लॅट वर पार्टी करत होते, तो त्यांच्या एका मैत्रिणीचा असून पुढील तपास पोलीस करत आहे.

Edited By : Krushnarav Sathe