नागपूर : लकडगंज पोलीस स्टेशन हद्दीमध्ये एका व्यक्तीवर दरोडा टाकत वीस लाख रुपये लुटणाऱ्या गॅंगचा पर्दाफाश करण्यात नागपूर पोलिसांना यश आले. पोलिसांनी (Police) या प्रकरणात आठ आरोपींना ताब्यात घेतले असून 14 लाख रुपये रोख रक्कम हस्तगत केली आहे. नागपुरातील या मोठा दरोड्याचा (Robbery) खुलासा आज पोलिसांनी केला. (Nagpur Crime News)

नागपूरच्या (Nagpur) लकडगंज पोलीस स्टेशन हद्दीत एका व्यापाऱ्याचा कर्मचारी दिवसभराच्या धंद्याचे पैसे घेऊन लॉकरमध्ये जमा करण्यासाठी निघाला होता. या दरम्‍यान पाच ते सहा जणांनी त्याच्यावर भर रस्त्यात हल्ला (Crime News) चढविला आणि त्याच्याजवळ असलेले वीस लाख रुपये कॅश लुटली. घटनास्थळावरून आरोपी फरार झाले. मात्र घटना मोठी असल्याने पोलिसांनी गांभीर्याने तपास सुरू केला.

१४ लाख कॅश हस्‍तगत

सीसीटीव्हीचा आधार घेत पोलीस आरोपीपर्यंत पोहोचले. पोलिसांना गुप्त माहिती मिळाली होती की काही लोक बॅगमध्ये कॅश घेऊन जात आहे. त्यावरून पोलीस आणि क्राइम ब्रांचने सापळा रचला आणि आरोपींना ताब्यात घेतले. त्यांच्याकडून विचारपूस आणि तपास केला असता त्यांच्याजवळ 14 लाख रुपये नगदी कॅश मिळून आली. ती पोलिसांनी हस्तगत केली आहे.

टीपच्‍या आधारावरच दरोडा

संपूर्ण दरोड्याचा प्रकार टीपच्या आधारावर झाला असल्याचे सुद्धा पोलिसांच्या तपासात पुढे येते. ज्या ऑफिसची ही कॅश होती तिथल्याच कोणीतरी ही टीप दिलेली असावी अशी शक्यता सुद्धा पोलिसांनी वर्तवली आहे. या दरोडेखोरांनी दरोड्याच्या आधी संपूर्ण परिसराची रेकी केली होती आणि संधी साधत दरोडा घातला. या प्रकरणातील एक आरोपी अजूनही फरार असून आठ आरोपींना ताब्यात घेण्यात आला आहे.