-- मंगेश मोहिते

नागपूर : नागपुरातून तडीपार करण्यात आलेला कुख्यात आरोपी शहरात बंदूक आणि पिस्तूल घेऊन आलिशान गाडीतून फिरत असताना गुन्हेशाखा युनिट चार ने त्याला अटक केली असून त्याच्या कडून बंदूक जिवंत काडतूस जप्त करण्यात आली आहेत.

हे देखील पहा :

नागपूर च्या कळमना परिसरातील कुख्यात चेतन मेश्राम याला दोन वर्षासाठी तडीपार करण्यात आलं होतं. मात्र, तो शहरात आलिशान गाडीतून फिरत होता. तो नंदनवन पोलीस स्टेशनच्या हद्दीत येणार असल्याची गुप्त माहिती गुन्हे शाखा चार ला मिळाली. त्यांनी सापळा रचला आणि चेतन मेश्राम आणि त्याचा एक साथीदार यांना अटक केली. त्याच्या गाडीत एक गन, एक पिस्टल  आणि जिवंत कडतूस सुद्धा मिळून आले. त्यामुळे तो शहरात नेमक्या कोणत्या उद्धेशने फिरत होता? तो कोणाला संपविण्याच्या तयारीत होता का याचा शोध पोलीस घेत आहेत.

चेतन मेश्राम वर अनेक गंभीर स्वरूपाचे गुन्हे दाखल आहेत. त्यामुळे त्याला तडीपार सुद्धा करण्यात आलं होतं. मात्र, तडीपार असताना सुद्धा तो शहरात गन आणि पिस्टल घेऊन सर्रास फिरत असल्याने अनेक प्रश्न निर्माण होत आहेत.

Edited By : Krushnarav Sathe