मुंबई : शिक्षकांची दिवाळी यंदा गोड होणार आहे. कारण राज्‍याचे मुख्‍यमंत्री एकनाथ शिंदे (Eknath Shinde) यांनी शिक्षकांना बोनस देण्याची घोषणा केली आहे. सदर बोनस मुंबई (Mumbai) महापालिका शिक्षकांसह इतर कर्मचाऱ्यांना जाहीर केला आहे. (Mumbai Eknath Shinde News)

मुंबई महापालिका, बेस्‍ट कर्मचारी, शिक्षक (Teacher) व आरोग्‍य कर्मचारी यांना बोनस जाहीर केला आहे. या सर्व कर्मचाऱ्यांना महिन्‍याचा पगार २२ हजार ५०० रूपये हा दिवाळी बोनस म्‍हणून दिला जाणार आहे. यामुळे मुंबई महाालिकेच्‍या ९२ हजार कर्मचारी तसेच शिक्षक व आरोग्‍य कर्मचारींसह बेस्‍टचे २९ हजार कर्मचारींना हा बोनस मिळणार आहे.

१०४ शाळांच्‍या विषयांवर लवकरच बैठक

दसऱ्याच्या ऍडव्हान्समध्ये शुभेच्छा देताना मुख्‍यमंत्री शिंदे म्‍हणाले, की सगळे शिक्षक खुश आहेत ना, बोनस मिळणार. यासोबत इतर विषय देखील सोडवणार असल्‍याचे त्‍यांनी सांगितले. तर शिक्षकांचा गुरुजन म्हणून सन्मान करण्याचा निर्णय देखील घेणार असल्‍याचे त्‍यांनी सांगितले. 104 शाळांचा विषय यावर स्‍वतंत्र बैठक घेऊन निर्णय घेणार असल्‍याची त्‍यांनी जाहीर केले.