रायगड : गोवा आणि कोकणात निघालेल्या पर्यटकांना मुंबई-गोवा महामार्गावर वाहतूक कोंडीचा सामना करावा लागत आहेत. माणगाव बाजारपेठ परिसरात ही वाहतूक कोंडी झाल्याची माहिती समोर आली आहे. तसेच माणगाव बाजारपेठेच्या दुतर्फा पाच ते सहा किलोमीटर वाहनांच्या रांगा लागल्या आहेत.

मुंबई आणि कोकणात जाणारे पर्यटक, प्रवासी माणगावमध्ये वाहतुक कोंडीत अडकले आहेत. अलिबाग ते वडखळ मार्गावर देखील वाहनांच्या रांगा लागल्या आहेत. तीनविरा ते पोयनाड पर्यंत वाहनांच्या रांगा लागल्या आहेत. मुंबईकडे जाणाऱ्या लेनवरसुद्धा वाहनांच्या लांबच लांब रांगा लागल्या आहेत. अलिबाग, मुरुडला फिरायला आलेले पर्यटक परतीच्या मार्गावर दिसून येत आहे.