Mumbai Goa Highway Traffic update : रायगड : मुंबई-गोवा महामार्गावर माणगावमध्ये वाहतूक कोंडी झाली आहे. माणगाव बाजाराच्या पेठ ते मुगवली फाट्यादरम्यान वाहनांच्या रांगा लागल्या आहेत. यामुळे कोकणातून मुंबईकडे निघालेले पर्यटक माणगावमध्ये वाहतूक कोंडीत अडकले आहेत. मुंबईकडे जाणाऱ्या मार्गावर तीन ते चार किलोमीटर वाहनांच्या रांगा लागल्या आहेत.

मुंबई-गोवा महामार्गासहित अलिबाग पेण मार्गावर वाहनांची रांगा लागल्या आहेत. अलिबाग पेण मार्गावरील शहाबाज ते धरमतरदरम्यान तीन वीराधरण परिसर अशा दोन ठिकाणी वाहनांची रांग लागली आहे. अलिबागकडून मुंबईकडे जाणाऱ्या मार्गावर 2 ते 3 किलोमीटर वाहनांची रांग लागली आहे. धरमतर पुलाजवळील खड्डे आणि बेशिस्त वाहनचालकामुळे लागल्या वाहनांची रांगा लागल्या आहेत. केवळ 10 किलो मीटर अंतर पार करायला लागत दीड तास लागत आहे.

रायगड ते माणगाव मार्गावर मिनीबसला अपघात

किल्ले रायगड ते माणगाव मार्गावर पर्यटकांच्या मिनिबसला अपघात झाला आहे. घरोशीवाडी येथील अवघड वळणावर मिनीबस उलटली. या अपघात एक पर्यटक गंभीर झाला आहे. तर 10 पर्यटकांना किरकोळ दुखापत झाली आहे. तर जखमी पर्यटकांवर पाचाड प्राथमिक आरोग्य केंद्रात उपचार सुरु करण्यात आले आहेत.

बसमधील प्रवासी तरुणाने सांगितलं की, 'आम्ही रायगडहून पुण्याला निघालो होतो. बसमध्ये ३२ प्रवासी होते. घरोशीवाडी येथे बसला ब्रेक मारल्यानंतर गाडी घसरली. त्यानंतर बस उलटली. या अपघातात १० जण जखमी झाले आहेत. त्यांना तातडीने जवळील रुग्णालयात दाखल करण्यात आलं'. दरम्यान, अपघातानंतर पोलीस घटनास्थळी पोहोचले. त्यांनी रस्त्यावरून वाहतूक कोंडी सुरळीत केली.