- संजय राठाेड

यवतमाळ : महाराष्ट्र राज्य परिवहन महामंडळात चालक म्हणून सेवेत असलेले चंद्रकांत उर्फ चंदू किसन मडावी यांचा मृत्यू झाला आहे. त्यांच्या मागे पत्ना, मूलगा, मूलगी असा परिवार आहे. राज्य परिवहन महामंडळात चिपळुण रत्नागिरी डेपाेत चालक म्हणून कार्यरत हाेते. गत तीन वर्षांपासून ते वणी येथे आले. त्यांची सेवा येथे सुरु झाली. MSRTC Yavatmal Vani

गेल्या काही दिवसांपासून एसटी कर्मचा-यांचे आंदाेलन सुरु आहे. या आंदाेलनात, उपाेषणात चंद्रकांत हे देखील सहभागी झाले हाेते. हे आंदाेलन सुरु असताना ते घरी आल्यानंतर देखील जेवण करीत नव्हते असे त्यांच्या निकटवर्तीयांनी सांगितले.

त्यांची तब्येत खालवली हाेती. रात्री अचानक त्यांची प्रकृती बिघडली. सकाळी देखील ते लवकर उठले नाहीत. अखेरीस त्यांना रुग्णालयात नेले असता तेथे वैद्यकीय अधिकारी यांनी त्यांना मृत घोषित केले. त्यांचा मृत्यू हा हृदय विकाराच्या झटक्याने झाल्याची प्राथमिक माहिती उपलब्ध झाली आहे. ऐन दिवाळीच्या दिवशी घरातील कर्त्या व्यक्तीच्या मृत्यूने कुटूंब हतबल झाले आहे.

edited by : siddharth latkar