Tuljabhavani : नवरात्रोत्सव (navratra) निमित्त लाखो भाविक तुळजापूरला (tuljapur) आई तुळजाभवानीच्या दर्शनाला जात आहेत. तुळजापूरला जाणाऱ्या भाविकांची संख्या लक्षात घेऊन एसटी महामंडळाने साेलापूर येथून रोज एकशे साठ बस गाड्यांचे नियोजन तुळजापूरसाठी केले आहे. यामुळे भाविकांमध्ये देखील आनंदाचे वातावरण आहे. (Maharashtra News)

नवरात्रोत्सव निमित्त सोलापूर ते तुळजापूर तसेच तुळजापूर ते सोलापूर या मार्गावर रोज एकशे साठ बस गाड्या धावताहेत. सोलापूर बसस्थानकावर तसेच तुळजापूर बस स्थानकावर प्रत्येक मिनिटाला भाविकांसाठी बस सोय करण्यात आली आहे. त्यामुळे भाविकांचा विनाअडथळा आणि विनाविलंब प्रवास सुखकर होत आहे. (Tajya Batmya)

दसरा उत्सवापर्यंत या बसेस सोलापूर ते तुळजापूर आणि तुळजापूर ते सोलापूर मार्गावर धावतील. त्यासोबत इतर ठिकाणासाठीही या बसच्या फे-या सुरु आहेत. त्यानंतर बस पूर्वस्थळी म्हणजे सोलापूर आगारात परततील अशी माहिती दत्तात्रय कुलकर्णी (सिनियर डेपो मॅनेजर,सोलापूर) यांनी दिली. कुलकर्णी म्हणाले सध्या एसटीचे उत्पन्न पंधरा ते वीस टक्क्यांनी वाढले आहे. नवरात्रोत्सव पूर्वी एसटीचे रोजचे उत्पन्न ७० ते ८० लाख रूपये इतके होते.

दरम्यान दर मिनिटाला बसचे नियोजन केल्याने बस स्थानकावर भाविकांची उत्तम साेय झाली आहे. चेंगराचेंगर किंवा बससाठी भाविकांची गोंधळ थांबला आहे. बस गाड्यांच्या क्रमांकासह वारंवार सूचना दिल्या जात आहेत.

Edited By : Siddharth Latkar