जुन्या संचालक मंडळांन घेतलेल्या कर्ज वसूल करण्यासाठी राज्य सहकारी बँकेने (Maharashtra State Co-operative Bank) राष्ट्रवादी काँग्रेस शरदचंद्र पवार पक्षाचे नेते अभिजित पाटील यांच्या श्री विठ्ठल सहकारी साखर कारखान्यावर (Shri Vitthal Sahakari Sakhar Karkhana) जप्तीची कारवाई केली. यामध्ये बँकेने साखरेचे गोडवूनसह इतर मालमत्ता ताब्यात घेण्यात आली. दरम्यान लोकसभा निवडणुकीच्या पार्श्वभूमीवर राजकीय हेतून कारवाई झाल्याचा आराेप अभिजित पाटील यांनी केला आहे. (Maharashtra Lok Sabha Election News in Marathi)
करमाळा येथे ज्येष्ठ नेते शरद पवार यांची सभा हाेती. या सभेस अभिजीत पाटील हे देखील सहभागी हाेते. महाविकास आघाडीच्या प्रचारात ते सक्रिय आहेत. शरद पवार यांची सभा सुरू असतानाच अभिजीत पाटील हे सभास्थळावरुन अचानक निघून गेले. सूत्रांनी दिलेल्या माहितीनूसार ते श्री विठ्ठल कारखान्यावर गेले.
अभिजीत पाटील यांनी साम टीव्हीशी बाेलताना जुन्या संचालक मंडळाने घेतलेल्या 430 कोटी रुपयांच्या थकीत कर्जापोटी पुणे येथील डीआरटी कोर्टामध्ये सुनावणी सुरू होती. या सुनावणी मधील स्थगिती उठवल्यानंतर तातडीने आज बँकेच्या अधिकाऱ्यांनी श्री विठ्ठल कारखान्यावर येऊन साखरेचे गोडाऊन सील केले.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
आता यामुळे ऊस गाळप केलेल्या शेतकऱ्यांना पैसे देणे अडचणीचे ठरणार आहे. लोकसभा निवडणुकीत जाणून बुजून राजकीय हेतूने कारवाई केल्याचा आरोप श्री विठ्ठल सहकारी साखर कारखान्याचे अध्यक्ष अभिजीत पाटील यांनी केलेला आहे.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.