TET Exam Scam : टीईटी (tet exam) घोटाळ्याप्रकरणी एक मोठी माहिती समोर आली आहे. टीईटी घोटाळ्याप्रकरणी परीक्षा परिषदेने बोगस शिक्षकांवर कारवाईचा बडगा उगारला आहे. या घोटाळ्यात आता तब्बल साडे नऊ हजार बोगस शिक्षकांचा (teacher) समावेश असल्याचे समाेर आले आहे. (TET Scam Latest Marathi News)

टीईटी घोटाळा प्रकरण साम टीव्हीनं जनतेच्या समाेल आणलं. त्यानंतर साम टीव्हीनं या घाेटाळ्याचा वारंवार पाठपुरवठा केला. यापुर्वी साम टीव्हीच्या बातमीची दखल घेत परीक्षा परिषदेने तब्बल ७ हजारांहून अधिक बोगस शिक्षकांवर कारवाईचा बडगा उचलला हाेता. आता माेठ्या संख्येनेत त्यात भर पडली आहे. (Maharashtra News)

टीईटी परीक्षा गैरप्रकार केलेल्या उमेदवारांची संख्या आता साडेनऊ हजारांवर पाेहचली आहे. सन २०१८ च्या टीईटीत १ हजार ६६३ तर २०१९ च्या टीईटीत ७ हजार ८७४ उमेदवारांनी गैरप्रकार केल्याचं स्पष्ट झाले आहे. सन २०१८ च्या परीक्षेतील उमेदवार अपात्र ठरलेले असतानाही त्यांनी स्वत:ला पात्र करून घेतल्याचं समोर आलं आहे. आता या सर्वांवर परीक्षेतील निकाल रद्द करून त्यांच्यावर दंडात्मक कारवाई करण्यात आली आहे. (Breaking Marathi News)

Edited By : Siddharth Latkar