सांगली: सांगलीतील रामोशी समाजाने आरक्षणासाठी जिल्हाधिकारी कार्यालयावर मोर्चा काढला आहे. तातडीने न्याय द्या अन्यथा तीव्र आंदोलन करु असा इशारा त्यांनी सरकारला दिला आहे. बेरड आणि रामोशी एकच जमाज असून नाहकरित्या वेगवेगळ्या गटात समाविष्ट केले आहे. (Morcha of Ramoshi Samaj at Sangli District Collector's Office for reservation)

हे देखील पहा -

बापट समितीचा अभ्यास करुन केंद्र शासनाकडे अनुसूचित जाती- जमातीच्या यादीत समावेश करण्यात यावा, समाजाला राजकीय आरक्षण तातडीने देण्यात यावे आणि नॉन क्रिमीलेयरचे दाखले तातडीने देण्यात यावे यासह प्रलंबित मागण्यांसाठी रामोशी समाजाच्यावतीने आज सांगलीच्या जिल्हाधिकारी कार्यालयावर भव्य मोर्चा काढण्यात आला. जय मल्हार क्रांती संघटनेचे अध्यक्ष दौलत शितोळे आणि जिल्हाध्यक्ष लक्ष्मण मंडले यांच्या नेतृत्वाखाली आंदोलन करण्यात आले. वालचंद कॉलेजसमोरून या मोर्चाची सुरवात करण्यात आली.

या मोर्चात सांगली जिल्ह्यातील बेरड समाज बांधव मोठ्या संख्येने सहभागी झाले होते. मोर्चात महिलांचा सहभाग लक्षणीय होता.

Edited By - Akshay Baisane