- सिद्धेश म्हात्रे / सचिन कदम

MNS Andolan For Marathi Patya :

मराठी पाट्या लावण्यासाठी सर्वोच्च न्यायालयाने दिलेली मुदत संपल्यानंतर राज्यभरात मनसेने आस्थापनांवर मराठी पाट्या लावण्या संदर्भात आक्रमक भूमिका घेतल्याचे पाहयला मिळत आहे. आज (मंगळवार) रायगड (raigad) आणि नवी मुंबई (Navi Mumbai) येथे मनसैनिकांनी (MNS Karyakata) मराठी पाट्यांसाठी आंदाेलन छेडले. (Maharashtra News)

रायगड जिल्ह्यात महाराष्ट्र नवनिर्माण सेना आस्थापनांवर मराठी पाट्यांसाठी आक्रमक झाली आहे. मनसे कार्यकर्त्यांनी आज (मंगळवार) अलिबाग शहरात फेरफटका मारत फलकांची पाहणी केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जिथे मराठी व्यतिरिक्त अन्य भाषेत पाट्या दिसल्या त्यांना काळे फासले व संबंधित व्यापारी आणि आस्थापनांच्या प्रमुखाशी चर्चा करत पुढील तीन दिवसात मराठी पाट्या लावण्याची विनंती केली. तसेच तीन दिवसात मराठी पाट्या लागल्या नाही तर तीव्र आंदोलनाचा इशारा मनसैनिकांकडून देण्यात आला आहे.

मराठी पाट्यांवरून नवी मुंबईत देखील महाराष्ट्र नवनिर्माण सेना आज आक्रमक झाल्याचे पाहयला मिळाले. मनैसिकांनी नवी मुंबईतील काही मॉल मध्ये जात जोरदार घोषणाबाजी केली.

यावेळी मनसे कार्यकर्त्यांनी मॉल प्रशासनाला मराठा पाट्या का लावल्या नाहीत असा जाब विचारला. तसेच पुढील दोन दिवसात मराठी पाट्या लावा अन्यथा मनसे स्टाईलने आंदोलन छेडू असा इशारा मनसे कार्यकर्त्यांनी मॉल प्रशासनाला दिला.

Edited By : Siddharth Latkar