Satara News : आमदार महेश शिंदे हे कधी भविष्य सांगायला लागले ? त्यांनी स्वत:च्या अस्तित्वाची काळजी करावी असा टाेला राष्ट्रवादी काॅंग्रेसचे आमदार शशिकांत शिंदे यांनी आमदार महेश शिंदे यांना लगावला आहे. आमदार महेश शिंदे यांनी राष्ट्रवादीचा वजीर 40 आमदारांसह गायब हाेणार असल्याचे वक्तव्य नुकतेच व्यक्त केले हाेते. त्यावेळी आमदार शशिकांत शिंदे यांनी माध्यमांशी संवाद साधताना आमदार महेश शिंदेंवर टीका केली. (Maharashtra News)

आमदार शशिकांत शिंदे (mlc shashikant shinde) म्हणाले महेश शिंदे (mla mahesh shinde) हे कधी पासुन भविष्य वक्त करु लागले हे कळत नाही. त्यांनी स्वत:च्या अस्तित्वाची काळजी करावी. त्यांनी आमच्या नेत्यांवर बोलु नका असं सांगुन तुम्हीच काही दिवसांनंतर येणा-या निकालात अपात्र ठराल. यामुळं तुमचं अस्तित्वच धोक्यात आहे.

आमचे नेते अजित पवारांवर (ajit pawar) बोलु नका. अजित पवारच भाजपात आले तर तुमचं काय होईल असा प्रतिसवाल आमदार शशिकांत शिंदे यांनी आमदार महेश शिंदे यांना केला आहे.

सुधीर मुनगंटीवारांच्या टीकेस उत्तर

खासदार शरद पवार यांच्या पक्षाध्यक्ष पदाच्या राजीनाम्याच्या घडामाेडीत भाजप नेते सुधीर मुनगंटीवार यांनी राष्ट्रवादी पक्षाचा राष्ट्रीय दर्जा रद्द झाला आहे अशी टीका केली होती. या टीकेचा आज आमदार शशिकांत शिंदे यांनी जोरदार समाचार घेतला.

ते म्हणाले भाजप पक्ष हा दोन खासदारांचा पक्ष आज राष्ट्रीय पक्ष झाला आहे. त्यांची हातोटी आम्हांला जमली नाही. आम्ही लोकशाहीतून चाललो म्हणून आमची हातोटी कमी पडली. मला खात्री आहे परत राष्ट्रवादी काॅंग्रेस हा पक्ष राष्ट्रीय पक्ष म्हणून उदयास येईल. आता थोडी मतात घट झाली असेल पण आता त्या मध्ये दुरुस्ती करू आणि येणाऱ्या काळात मुनगंटीवार यांच्या पक्षामुळेच ही संधी लवकर मिळेल असेही शिंदेंनी नमूद केले.

Edited By : Siddharth Latkar