Ratnagiri News : यापूर्वी दादांनी मला 5 - 5 वेळा कॉल केले होते. पण मी गेलो नाही. यावेळी दादांना मी शब्द दिला आणि त्यांच्यासमवेत जाण्याच्या निर्णयावर ठाम राहिलाे. परंतु काळजावर दगड ठेऊन निर्णय घेतल्याचे राष्ट्रवादी काॅंग्रेसचे बंडखाेर चिपळूण - संगमेश्वर मतदारसंघचे आमदार शेखर निकम (chiplun sangameshwar mla shekhar nikam) यांनी नमूद केले. ते आज रत्नागिरी (Ratnagiri) येथे माध्यमांशी बाेलत हाेते. (Maharashtra News)

आमदार शेखर निकम म्हणाले मी अजित पवार यांच्या साेबत राहण्याचे निश्चित केले आहे. दादांनी मला अडचणी वेळी कायम मदत केली आहे. त्यामुळे मी त्यांच्यासाेबत जाण्याचा निर्णय घेतला. मला शरद पवार (sharad pawar latest news), सुप्रिया सुळे (supriya sule), रोहित पवार (rohit pawar) यांचा कॉल आल्याचे निकम यांनी सांगितले. परंतु मी शरद पवार साहेबांशी बोलू शकलो नाही असेही शेखर निकम यांनी नमूद केले.

ईडीचा विषय नाही

आमदार शेखर निकम पुढं बाेलताना म्हणाले आता परिणामांची पर्वा नाही. मी दादांसोबत जे होईल ते होईल. आमचं घर फोडले तरी रुपया मिळणार नाही. ईडीचा विषय नाही. मी पदासाठी गेलो नाही असंही निकम यांनी नमूद केले.

राजकारण साेडलेले बरं

दरम्यान आमदार शेखर निकम म्हणाले शरद पवार (sharad pawar) यांची मनापासून माफी मागायची आहे. खरंतर अशावेळी आमच्यासारख्या लहान माणसाचे खूप हाल होतात. राजकारण सोडलेले बरे अशी माझी मानसिकता असल्याचेही निकम यांनी स्पष्ट केले.

Edited By : Siddharth Latkar