Shambhuraj Desai : शिवसेना नेते मुख्यमंत्री एकनाथ शिंदे यांच्या गटाचे आमदार शंभूराज देसाई यांनी पाटण तालुक्यातील एका ग्रामपंचायतीवर तब्बल बावीस वर्षानंतर सत्ता हस्तगत केली आहे. यामुळे आमदार देसाईंच्या गटात उत्साही वातावरण आहे. (Gram Panchayat Election Result 2022)

आज राज्यातील विविध ग्रामपंचयातींच्या निवडणुकीचा निकाल घाेषित हाेऊ लागला आहे. राज्यातील काही भागात शिंदे गट आणि उद्धव ठाकरे यांच्या गटात चूरस आहे. सातारा जिल्ह्यातील पाटण मतदारसंघाचे आमदार शंभूराज देसाई यांच्या नेतृत्वाखाली उत्तर तांबवे या ग्रामपंचायतीत बावीस वर्षानंतर सत्तांतर झालं आहे. उत्तर थांबवे ग्रामपंचायतीत आमदार शंभूराज देसाई यांच्या पॅनलंने सात पैकी चार जागा जिंकल्या आहे.

या निवडणुकीच्या निकालानंतर देसाई यांच्या गटातील समर्थकांनी एकत्रित येत जल्लाेष केला. यावेळी कार्यकर्त्यांनी गुलालाची उधळण करीत आमदार शंभूराज देसाईंच्या (Shambhuraj Desai) नावाचा जयघाेष केला.

Edited By : Siddharth Latkar