Supreme Court Verdict: सत्ता संघर्षाच्या (SC Hearing On Maharashtra Political Crisis) निकालाची धास्ती आम्हांला नाही. निकाल आमच्याच बाजुनं मात्र आमच्या विरोधात बारामतीचे पिंगळे कंदील घेवुन फिरताहेत अशी टीका मुख्यमंत्री एकनाथ शिंदे (cm eknath shinde) यांच्या गटातील शिवसेना आमदार महेश शिंदेंनी (mla mahesh shinde) केली. दरम्यान एकीकडे सगळ मंत्रिमंडळ टेन्शनमध्ये असताना दुसरीकडे आमदार महेश शिंदे यांनी मात्र जनतेमध्ये जाऊन नवीन विकास कामांच्या भूमिपूजन करण्याचा तडाखा लावला आहे. (Maharashtra News)

महाराष्ट्रातील सत्ता संघर्षाचा निकाल (Supreme Court Final Decision on Shivsena Case) थोड्याच वेळात लागणार आहे. राज्यातील 16 आमदारांवर अपात्रतेची टांगती तलावर आहे. यापैकी एक असलेले कोरेगाव विधानसभा मतदारसंघाचे आमदार महेश शिंदे हे आज त्यांच्या मतदारसंघांत जनतेत जाऊन विकासकामांचे भूमिपूजन करत आहे.

साम टीव्हीशी बाेलताना आमदार महेश शिंदे म्हणाले सत्ता संघर्षाचा निकाल असला तरी आम्ही जनतेतील लोकप्रतिनिधी आहोत, आम्ही जनतेत राहणार. आम्हांला निकालाची धास्ती नाही. आम्ही जनतेच्या विश्वासास पात्र ठरलो असुन निकाल आमच्याच बाजुचा होईल असं सांगत शिंदे यांनी राष्ट्रवादीवर मोठी टिका केली.

ते म्हणाले बारामतीचे पिंगळे आमच्या विरोधात कंदील घेवुन भविष्य वर्तवत फिरताहेत, मात्र जनता आमच्या पाठिशी आहे. अजित पवारांना (ajit pawar not reachable) माहित आहे पक्षात थांबुन उपयोग नाही. बाहेर पडावं लागेल यामुळं विरोधी पक्ष टिकणार नाही. यामुळंच ते आता नाॅट रिचेबल असतील असा दावा आमदार महेश शिंदे यांनी‌ केला.

Edited By : Siddharth Latkar