Vande Bharat Express : विद्येचे माहेरघर असलेल्या पुणे (pune) आणि शिक्षणाची पंढरी असलेल्या लातूर (latur) या मार्गावर वंदे भारत एक्स्प्रेस (Vande Bharat Express Latest News) सुरू करा अशी मागणी आमदार धीरज देशमुख (dheeraj deshmukh) यांनी केंद्र सरकारकडे (central government) शुक्रवार केली. हा निर्णय दोन शैक्षणिक केंद्रांना जवळ आणणारा व विद्यार्थी हिताचा ठरेल असेही त्यांनी नमूद केले.

पंतप्रधान नरेंद्र माेदी यांनी शुक्रवारी महाराष्ट्रात दाेन वंदे एक्सप्रेसचे लाेकार्पण केले. महाराष्ट्रातील व्यापारी केंद्र आणि तीर्थस्थळांना जोडण्यासाठी राज्यांतर्गत मुंबई- शिर्डी, मुंबई- सोलापूर या मार्गावर अत्याधुनिक सुविधा असलेली "वंदे "भारत एक्स्प्रेस" सुरू झाली आहे.

यामुळे शिर्डीबरोबरच सोलापूरमधील सिद्धेश्वर, अक्कलकोट, तुळजापूर, पंढरपूर या देवस्थानांना भेट देऊन दर्शन घेणे सोपे होणार आहे. याच धर्तीवर शिक्षणाचे केंद्र असलेल्या पुणे-लातूर या शहरासाठी राज्यांतर्गत तिसरी वंदे भारत एक्स्प्रेस सुरू करावी अशी मागणी केली असल्याचे आमदार धीरज देशमुख यांनी सांगितले.

यामुळे हा निर्णय दोन शैक्षणिक केंद्रांना जवळ आणणारा व विद्यार्थी हिताचा ठरेल. पुणे हे विद्येचे माहेरघर आहे. तसेच शिक्षणाची पंढरी म्हणून लातूरची सर्वदूर ख्याती आहे. या शहरासाठी राज्यांतर्गत तिसरी वंदे भारत एक्स्प्रेस झाल्यास विद्यार्थ्यांचा विकास हाेईल अशी आशा आमदार देशमुखांना आहे.

Edited By : Siddharth Latkar