प्रमोद जगताप, प्रतिनिधी...

BJP Party Changes News: आगामी लोकसभा तसेच विधानसभेच्या दृष्टीने देशातील राजकीय पक्षांनी आत्तापासूनच मोर्चेबांधणी सुरू केली आहे. सध्या केंद्रात सत्तेत असलेल्या भाजप पक्षाकडून पक्ष संघटनेत मोठे बदल करण्यात येत असून आता राष्ट्रीय पातळीवर भाजपने राष्ट्रीय उपाध्यक्ष, राष्ट्रीय महामंत्री, राष्ट्रीय सचिव यांच्या नियुक्ती केल्या जाहीर केल्या आहेत. (BJP Political News)

राष्ट्रीय पातळीवर मोठे बदल...

याबाबत अधिक माहिती अशी की, आगामी लोकसभा, विधानसभा आणि स्थानिक स्वराज्य संस्थांच्या निवडणुका डोळ्यासमोर ठेवून भाजपमध्ये रणनीती आखाण्याची तयारी सुरू झाली आहे. या पार्श्वभूमीवर भाजप पक्ष संघटनेत मोठे फेर बदल करण्यास सुरुवात केली आहे. 2024 च्या लोकसभा निवडणुकीपूर्वी भाजपने राष्ट्रीय पातळीवरील नव्या टीमची घोषणा केली आहे..

पंकजा मुंडे, विनोद तावडेंकडे जबाबदारी...

भाजपने राष्ट्रीय उपाध्यक्ष, राष्ट्रीय महामंत्री, राष्ट्रीय सचिव यांच्या नियुक्ती केल्या जाहीर केल्या आहेत. यामध्ये विनोद तावडे (Vinod Tawde) यांची राष्ट्रीय महामंत्री म्हणून निवड करण्यात आली आहे तर पंकजा मुंडे (Pankaja Munde) आणि विजया रहाटकर यांची राष्ट्रीय सचिव पदी नियुक्ती केली गेली आहे.

याआधी भाजपकडून राज्य पातळीवरही मोठे बदल केले गेले होते. काही दिवसांपूर्वीच भाजपचे प्रदेशाध्यक्ष चंद्रशेखर बावनकुळे (Chandrasekhar Bawankule) यांच्याकडून भाजप जिल्हाध्यक्षांची नवी टीम घोषित करण्यात आली आहे. चंद्रशेखर बावनकुळे यांनी ७० संघटनात्मक जिल्हाध्यक्षांच्या नियुक्तीची घोषणा केली आहे. (Latest Marathi News)