मावळ : लोणावळ्यात आणखी एका बालकाचा जलतरण तलावात बुडून मृत्यू झाला आहे. गेल्या सहा महिन्यातील जलतरण तलावामुळे तीन बालकांचे जीव गेले. त्यामुळेच (Lonavala) लोणावळ्यातील जलतरण तलावांच्या सुरक्षेचा प्रश्न ऐरणीवर आला आहे. (Maharashtra News)

लोणावळ्यात दोन वर्षीय चिमुकलीचा जलतरण तलावात बुडून (Death) मृत्यू झाला. डोंबिवलीतील सय्यद कुटुंबीय लोणावळ्यात पर्यटनासाठी आले होते. तेव्हा एका खाजगी रिसॉर्टमध्ये हे कुटुंबीय नाश्ता करत होते. तेव्हाच हानियाझैरा सैय्यद ही दोन वर्षीय चिमुरडी तिसऱ्या मजल्यावर पोहचली अन्‌ तिथल्या जलतरण तलावात पडली. जीव वाचविण्यासाठी ती आकांताने ओरडली. कुटुंबिय तिच्या दिशेने धावले, पण तोपर्यंत उशीर झाला होता.

पाचशे अनधिकृत तलाव

गेल्या सहा महिन्यामध्ये लोणावळ्यात तीन बालकांचा जीव गेला आहे. त्यामुळे स्थानिकांकडून रोष व्यक्त केला जातोय. एकामागोमाग एक घटना घडल्याने लोणावळ्यातील जलतरण तलावांच्या सुरक्षेचा प्रश्न ऐरणीवर आला आहे. शहरात हजारभर जलतरण तलाव असल्याचे अन्‌ त्यातील पाचशे तलाव अनधिकृत असल्याची धक्कादायक माहिती समोर आली.