मावळ : लोणावळा शहरात स्विमिंगपूलमध्ये बुडून मृत्यू होण्याच्या घटना थांबायचे नाव घेत नाही. वाढदिवसाच्‍या पार्टीचा कार्यक्रम असताना स्विमिंगपूलमध्ये बुडून एका पर्यटकाचा (Death) मृत्यू झाला आहे. निखील निकम असे मयत पर्यटकाचे नाव आहे. (Breaking Marathi News)

जुना खंडाळा भागातील एका खाजगी बंगल्यात ही दुर्घटना घडली. निखिल निकम असे या मयत झालेल्या पर्यटक तरुणाचे नाव आहे. निखिल आणि त्‍याचे काही मित्र (Lonavala) लोणावळ्यात मित्राचा वाढदिवस साजरा करण्यासाठी आले होते. वाढदिवस साजरा झाल्‍यानंतर मंगळवारी रात्री उशिरा स्विमिंगपूलमध्ये बुडून त्याचा मृत्यू झाला.

सुरक्षीततेचा मुद्दा ऐरणीवर

घटनेची माहिती समजताच लोणावळा शहरचे पोलीस पथक घटनास्थळी दाखल झाले. अधिक तपास लोणावळा शहर पोलिस करीत आहे. मात्र स्विमिंगपूल आणि त्यामधील सुरक्षीततेचा मुद्दा पुन्हा ऐरणीवर आला आहे.