- सागर निकवाडे
Nandurbar News : सातपुड्यातील धडगाव तालुक्यातील सिंदीदिगर येथे कौलारू घराला भीषण आग लागली. यामुळे घरातील संपूर्ण संसार उपयोगी वस्तू जळून खाक झाले आहे. त्यामुळे पावरा कुटुंबाचा संसार उघड्यावर आला आहे. (Maharashtra News)
अतिदुर्गम भागातील सिंदींदिगर येथील बकत्या सुरला पावरा यांचा घरातील महिला सदस्य घरात चुलीवर स्वयंपाकासाठी चूल पेटवून पाणी घेण्यासाठी बाहेर आले. कौलारू घरातील चुलिने पेट घेतला यात संपूर्ण घर जळून खाक झाले.
यात घरातील धान्य, भांडे सह गुरासाठी ठेवण्यात आलेला चारा जळून खाक झाला आहे. यावेळी ग्रामस्थांनी मदतीसाठी धाव घेतली परंतु उन्हाची तीव्रता तसेच जवळ आग वीझविण्यासाठी पाणी उपलब्ध झाले नसल्याने आग आटोक्यात आणता आली नाही.
यामुळे बकत्या सूरला पावरा यांचे कुटुंब उघड्यावर पडले असून शासना कडून यांना आर्थिक मदत मिळावी अशी मागणी करण्यात आली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.