Nallasopara Fire News : नालासोपाऱ्यातून आगीचं मोठं वृत्त समोर येत आहे. नालासोपाऱ्यात एका एका भंगाराच्या गोडाऊनला आग लागल्याची घटना घडली आहे. रविवारी सायंकाळी साडे सातच्या सुमारास आग लागल्याची भीषण घटना घडली आहे. या घटनेमुळे परिसरात एकच खळबळ उडाली आहे. अग्निशमन दलाचे जवान घटनास्थळी पोहोचले असून आगीवर नियंत्रण मिळविण्याचे प्रयत्न सुरू आहेत. (Latest Marathi News)

मिळालेल्या माहितीनुसार, नालासोपाऱ्यातील भंगाराच्या गोडाऊनला भीषण आग (Fire) लागली आहे. नालासोपारा पश्चिमेकडील नालासोपारा रोड येथील खंबलेश्वर मंदिराजवळील भंगाराच्या गोडाऊनला भीषण आग लागली आहे.

रविवारी सांयकाळी साडेसातच्या सुमारास ही आगीची दुर्घटना घडली आहे. या आगीमुळे परिसरात एकच खळबळ उडाली. गोडाऊन जवळ उपस्थित लोकांनी तातडीने अग्निशमन दलाला आगीच्या दुर्घटनेची माहिती दिली. या भीषण आगीत गोडाऊनमधील सर्व भंगाराचं सामान जळून खाक झाले आहे. (Maharashtra Latest News)

भंगाराच्या गोडाऊनला आग लागल्याची खबर मिळताच अग्निशमन दलाच्या जवानांनी घटनास्थळी पोहोचले. या भीषण आगीमुळं अग्निशमन दलाचे ६ अग्निबंब घटनास्थळी आहेत. अग्निशमन दलाच्या जवानांनी घटनास्थळी धाव घेऊन आग विझविण्याचं काम युद्ध पातळीवर सुरू केले आहे.

मात्र, अद्याप गोडाऊनची आग आटोक्यात आलेली नाही. या आगीत जीवितहानी झाली का, याबद्दल अद्याप माहिती समोर आलेली नाही. परंतु गोडाऊनमधील सर्व भंगार जळून खाक झालं आहे.