- संजय राठाेड

Valentine's Day : एका तेवीस वर्षीय युवतीशी मैत्री (girl friend) करून तिला प्रेमाच्या जाळ्यात ओढले. त्यानंतर तिला लग्नाची (marriage) स्वप्न दाखवत वारंवार तिचे लैंगिक शोषण केले. पीडित मुलीने (girl) आपण लग्न कधी करणार असे विचारल्यावर लग्नास नाकार दिल्याने युवतीने फसवणूक करणाऱ्या प्रियकराच्या (boy friend) विराेधात पाेलिसांत (police) तक्रार केली. यवतमाळच्या (yavatmal) मारेगाव पोलिसांनी व्हॅलेंटाईन डेच्या (Valentine's Day) दिवशी प्रियकराला बेड्या (arrest) ठोकल्या.

या घटनेबाबत अधिक माहिती अशी - मुलीच्या घराजवळच मुलाचे परिचित राहायचे. त्या परिचिताच्या घरी मुलगा यायचा. एक दिवस अचानक त्याची शेजारी राहणा-या एका मुलीवर नजर पडली. पहिल्या नजरेत प्रेम झाले. मुलाच्या चकरा वाढल्या. दोघांचे प्रेम (Love) बहरत गेले.

दोघांमध्ये संबंध निर्माण झाले. मात्र आधी लग्नाला हो म्हणून लाडाई गोडाई करणारा प्रेमवीर अचानक बदलला. त्याने लग्नास नकार दिला. अखेर फसवणूक झाल्याचे कळताच मुलीने मालेगाव पोलीस ठाणे गाठत तक्रार दाखल केली व ऐन व्हॅलेंटाईन डेलाच मजनू गजाआड झाला.

अंकित सोयाम असे प्रेमवीराचे नाव आहे. तो वणी तालुक्यातील गणेशपूर येथील रहिवासी आहे. चार वर्षाचे प्रेम अचानक तुटल्याने मुलीला धक्का बसला. तिने ही घटना आपल्या आई वडिलांना सांगितली. त्यानंतर मुलीसह पालकांनी मारेगाव पोलीस स्टेशन गाठले. पोलिसांनी अंकित सोयाम विरुद्ध (भादंविच्या कलम 376, 376 (3), 506) गुन्हा दाखल करुन त्यास अटक केली. पुढील तपास ठाणेदार राजेश पुरी करीत आहे.

Edited By : Siddharth Latkar