छत्रपती संभाजी नगर महापालिकेवर भाजपचा महापौर आज विराजमान होणार आहे. थोड्याच वेळात निवडणुकीच्या प्रक्रियेला सुरुवात होणार आहे. निवडणुकीची केवळ औपचारिकता बाकी आहे. कारण भाजप आणि शिवसेना एकत्रित 70 नगरसेवकांचे पाठबळ भाजप आणि शिवसेनेकडे आहे. या निवडणुकीत महापौर म्हणून समीर राजूरकर, आणि उपमहापौर म्हणून राजेंद्र जंजाळ हे विजयी होणार आहेत.
पुण्यातील सदाशिव पेठेतील भावे हायस्कूलमध्ये विद्यार्थ्यांना औक्षण करून विद्यार्थ्यांचे स्वागत करत दिल्या परीक्षेच्या शुभेच्छा
वाघोली येथील बकोरी रोड परिसरात असलेल्या शाळा व कॉलेज परिसरात विद्यार्थ्यांच्या दोन गटांमध्ये पुन्हा एकदा हाणामारीची घटना घडली आहे. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत असून, नागरिकांमध्ये चिंता व्यक्त केली जात आहे.व्हायरल व्हिडिओमध्ये एका हॉटेलजवळ एका तरुणाने दुसऱ्या तरुणाला लाथा-बुक्क्यांनी मारहाण करताना स्पष्टपणे दिसत आहे.या प्रकारामुळे काही काळ परिसरात गोंधळाची परिस्थिती निर्माण झाली होती.
जिल्हा परिषद, पंचायत समिती निवडणुकीत जो निकाल लागला तो आम्ही स्वीकारला आहे. कुडाळ-मालवणमध्ये शिवसेना उद्धव बाळासाहेब ठाकरे पक्षाचे २ जिल्हापरिषद सदस्य आणि ५ पंचायत समिती सदस्य निवडून आले आहेत. कुडाळ-मालवण तालुक्यात शिंदेगट आणि भाजप पक्षाची युती असूनही शिंदे गटाच्या उमेदवारांना एकूण ५० हजार ३३५ मते आणि भाजपच्या उमेदवारांना ११ हजार ४५४ अशी एकूण ६१ हजार ७८९ मते शिंदे-भाजप महायुतीला मिळाली. तर शिवसेना उद्धव बाळासाहेब ठाकरे पक्ष एकटा लढून देखील आम्हाला ४९ हजार १३० मते मिळाली असल्याचे सांगत विरोधीपक्ष म्हणून आम्ही विकासकामांना सहकार्य करू आणि चुकीच करत असाल तर सक्षम विरोधीपक्षाची भुमिका बजावू असा इशारा वैभव नाईक यांनी महायुतीला दिला आहे
शरद पवार यांना खोकल्याचा त्रास होता तो बऱ्यापैकी कमी झालाय…
डॉक्टरांच्या सल्ल्यानुसार शरद पवार यांना विश्रांतीची गरज
सध्यातरी शरद पवारांना कुणीही भेटू नये अशी सूचना
डॉक्टरांच्या सल्ल्यानुसार शरद पवार यांना डिस्चार्ज कधी देयचा याबाबतचा निर्णय घेतला जाणार आहे
राहुरी तालुक्यातील धामोरी स्टेशन परिसरात वांबोरी चारी योजनेची पाईपलाईन फुटल्याने लाखो लिटर पाणी वाया गेले असून आसपासच्या शेती पिकांचे मोठ्या प्रमाणात नुकसान झाले आहे.. पाईपलाईन फुटल्याने 50 ते 60 फूट उंच पाण्याचे फवारे उडत होते.. फुटलेल्या ठिकाणी मोठा ओढा असून, या ओढ्यातून पाणी थेट देव नदीच्या दिशेने वाहून गेले.. पाईपलाईन फुटण्याचे नेमके कारण स्पष्ट होऊ शकले नाही मात्र पाण्याच्या अतिप्रवाहामुळे योजनेचा पाईप फुटल्याचा अंदाज व्यक्त केला जातोय.. एक तासाने पाणी बंद करण्यात आले, मात्र तोपर्यंत लाखो लिटर पाणी वाया गेले होते..
बारामतीतील विमान अपघातात झालेल्या अजितदादांच्या दुर्दैवी निधनाबाबत महाराष्ट्रासह माझ्याही मनात अनेक शंका आहेत. यासंदर्भात आज (मंगळवार, दि. १० फेब्रुवारी) सायंकाळी ४ वाजता यशवंतराव चव्हाण सेंटर, मुंबई या ठिकाणी पत्रकार परिषद घेऊन महत्त्वाचे आणि डोळे उघडणारे मुद्दे तपशीलवार मांडणार आहे.
जालन्यात पोलिस दलातील 156 रिक्त पोलिस शिपाई पदासाठी उद्यापासून भरती प्रक्रिया सुरू होणार आहे. पोलीस शिपाई भरतीसाठी प्रशासन सज्ज झाला आहे. 156 जागांसाठी तब्बल 9 हजार 745 जणांचे अर्ज आले आहेत. दरम्यान भरती प्रक्रिया पारदर्शक करण्याच्या उद्देशाने मैदानाची चाचणी इन कॅमेरा घेतली जाणार असून तब्बल 250 पोलिस अधिकारी, कर्मचाऱ्यांचा बंदोबस्त राहणार आहेत. मैदानी चाचणी पोलिस मैदान येथे होणार असून मैदानी चाचणी पारदर्शक होण्यासाठी सीसीटीव्ही कॅमेरे लावण्यात येणार आहे. शिवाय ड्रोनव्दारे मैदानी चाचणी व्हिडीओ रेकाॅर्डिंग केले जाणार आहे. दरम्यान पोलिस भरती प्रक्रिये दरम्यान कोणताही गैर प्रकार होणार नाही. त्यामुळे जर कोणी पैसे घेऊन उमेदवारांची दिशाभूल करत असेल तर या संदर्भात तत्काळ पोलिसांकडे तक्रार करावी अस आवाहन जालन्याचे अप्पर पोलिस अधिक्षक आयुष नोपाणी यांनी केलं आहे.
आगामी काळातील निवडणूका आणि पक्षविस्ताराच्या पाश्र्वभूमीवर शिंदेंच्या शिवसेनेच्या वतीने संघटनात्मक फेरबदल करण्यास सुरुवात केली आहे.कळंब मधील शिवसेना नेते अजित पिंगळे यांची धाराशिव कळंब विधानसभा मतदारसंघासाठी प्रभारी जिल्हाप्रमुख पदी नियुक्ती करण्यात आली आहेत.शिवसेना मध्यवर्ती कार्यालयाकडून याबाबतचे अधिकृत नियुक्ती पत्र जारी करण्यात आले आहे.संघटनात्मक पातळीवर हे बदल केले जातात अशी माहीती शिवसेनेचे संपर्कप्रमुख माजी आमदार राजन साळवी यांनी दिलीय.
सांगली महापालिका मध्ये आता भाजप आणि राष्ट्रवादी अजित पवार गटाच्या सत्ता स्थापन होणार आहे.. आज भाजप आणि राष्ट्रवादी अजित पवार गटाच्या युतीचा आज महापौर व उपमहापौर उमेदवारांच्या निवड पार पडणार आहे. पालकमंत्री चंद्रकांत पाटलांकडून याबाबतची घोषणा करण्यात आली होती. तसेच महापौर आणि उपमहापौर पदाच्या नावांची देखील चंद्रकांत पाटलांकडून घोषणा करण्यात आली आहे. भाजपाकडुन महापौर पदासाठी धीरज सूर्यवंशी यांचं तर राष्ट्रवादी अजित पवार गटाकडून गजानन मगदूम यांच्या नावांची घोषणा करण्यात आलेली आहे. पालकमंत्री चंद्रकांत पाटील आणि राष्ट्रवादी पक्षाच्या पदाधिकाऱ्यांचे उपस्थितीमध्ये नावांची घोषणा करण्यात आली होती.
- भाजप पदग्रहण सोहळ्यात काँग्रेस आमदार विकास ठाकरेचा फोटो, महापौर-उपमहापौर बॅकड्रॉपवर विकास ठाकरे झळकले
- मोदी-शहा यांच्या रांगेत ठाकरे यांचा फोटो, भाजपच्या आमदारांसोबत काँग्रेस नेत्याचे छायाचित्र
- दोन्ही पक्षांत चर्चांना उधाण, सोशल मीडियावर व्हिडीओ व्हायरल
- भाजपचे स्पष्टीकरण आमदार म्हणून निमंत्रण होते, मग इतर पक्षांच्या अध्यक्षांचे फोटो का नाहीत?
- मित्रपक्षांच्या शहराध्यक्षांचा फोटो गायब, विकास ठाकरेंच्या लोकप्रियतेचा राजकीय अर्थ?
- महापालिकेच्या कार्यक्रमात राजकीय चर्चेला उधाण...
पुणे गृहनिर्माण क्षेत्र विकास मंडळाच्या पुणे विभागाची आचारसंहितेमध्ये अडकलेली सोडत आज जाहीर होणार आहे पुणे विभागातील पुणे पिंपरी चिंचवड सोलापूर कोल्हापूर आणि सांगली येथील 4186 सदनिकांचा यामध्ये समावेश आहे.
म्हाडाचे सभापती माजी खासदार शिवाजीराव आढळराव पाटील यांच्या उपस्थित पुणे जिल्हा परिषदेच्या सभागृहात ही सोडत दुपारी बारा वाजता होणार आहे.
चंद्रपूर महानगरपालिकेचा महापौर आज ठरणार आहे. महापौर पदासाठी आज दुपारी 11 वाजता महापालिकेत निवडणूक प्रक्रिया सुरू होणार आहे. एकाही पक्षाला स्पष्ट बहुमत नसल्याने महापौर कोण होतो, याकडे सर्वांचे लक्ष लागले आहे. काँग्रेस, भाजप, ठाकरे शिवसेना यांनी या पदावर दावा केला असून, अंकांची जुळवाजुळव करण्यात सर्वच पक्षांची दमछाक होत आहे. महापालिकेत काँग्रेस 27 जागांसह सर्वात मोठा पक्ष आहे. पाठोपाठ 23 जागांसह भाजप असून, ठाकरे सेनेचे वंचितसह आठ सदस्य आहेत. सत्तेचे गणित ठाकरे सेनेच्या हाती असल्याने महापौर पद आम्हाला द्या, अशी ठाम भूमिका ठाकरे सेनेने घेत इतरांना पाठिंबा देण्यास नकार दिला. पण तरीही या सेनेची चर्चा काँग्रेस आणि भाजपसोबत शेवटच्या क्षणापर्यंत सुरू होती. यावर आता कोणता तोडगा निघतो, हे सभागृहात स्पष्ट होणार आहे. त्यामुळे चंद्रपूरच्या महापौर पदाचे चित्र अजूनही धूसर आहे.
रायगड जिल्हा परिषदेत शिंदेसेना सत्तेत बसणार असल्याचा युक्तीवाद मंत्री भरत गोगावले यांनी केला आहे. दक्षिण रायगडमध्ये भाजपसोबत युती नसली तरी उत्तर रायगडमध्ये आम्ही भाजपसोबत युतीत निवडणुका लढवल्या आहेत आणि तेथेच भाजपाच्या अधिक जागा निवडून आल्याच सांगत शिंदेसेना सत्तेत बसणार असल्याचा युक्तीवाद गोगावले यांनी केला आहे.
‘हिंद दी चादर श्री गुरु तेग बहादूर’ यांच्या 350 व्या शहिदी समागम शताब्दी वर्षानिमित्त दि. 28 फेब्रुवारी व 01 मार्च 2026 रोजी खारघर, नवी मुंबई येथे कार्यक्रमाचे आयोजन करण्यात आले आहे. या कार्यक्रमासाठी प्रधानमंत्री नरेंद्र मोदी तसेच केंद्रीय गृहमंत्री अमित शहा यांची प्रमुख उपस्थिती लाभणार आहे. या कार्यक्रमाची आरम्भता की ‘अरदास’ संत समाजचे प्रधान संत ज्ञानी हरनाम सिंघ जी, मुखी दमदमी टकसाल यांच्या हस्ते ओवे मैदान, सेक्टर 29, खारघर, नवी मुंबई येथे करण्यात आली.
- ग्रामपंचायतींवरील ‘प्रशासक राज’ला उच्च न्यायालयाचा नागपूर खंडपीठाची स्थगिती,ग्रामविकास विभाग आणि राज्य निवडणूक आयोगाला नोटीस
- कार्यकाळ संपणाऱ्या ग्रामपंच्यातवर प्रशासक नेमच्याचा राज्य शासनाच्या निर्णयावर नागपूर खंडपीठाचा ब्रेक,
- जानेवारी ते डिसेंबर २०२६ दरम्यान मुदत संपणाऱ्या ग्रामपंचायतींचा प्रश्न, निवडणूक न घेता प्रशासक नेमण्याच्या आदेशाला आव्हान
- २३ जानेवारीच्या शासन परिपत्रकावर न्यायालयाची कारवाई, लोकशाही रचनेवर परिणाम होत असल्याचा याचिकाकर्त्यांचा दावा
- कार्यकाळ संपताच निवडणूक होणे आवश्यक, प्रशासक नेमत वर्षभर निवडणुका टाळण्याचा प्रयत्न असल्याचा आरोप
- कोरोना काळाचा दाखला सध्याच्या परिस्थितीत ग्राह्य नाही, ग्रामविकास विभाग आणि राज्य निवडणूक आयोगाला नोटीस
- राष्ट्रपती द्रोपदी मुर्मू 25 फेब्रुवारी रोजी नागपूरच्या दौऱ्यावर येणार असल्याची माहिती आहे..
- नागपुरात राष्ट्रपती "ब्रह्माकुमारीज" या संस्थेच्या वतीने आयोजित "एकात्मता आणि विश्वासातून महाराष्ट्राचा सुवर्णकाळ" या कार्यक्रमात उपस्थित राहणार आहेत..
- हा कार्यक्रम 25 फेब्रुवारी रोजी संध्याकाळी सहा वाजता नागपूर जवळच्या जामठा येथील "विश्वशांती सरोवर" परिसरात आयोजित करण्यात येणार आहे...
- बुलढाणा जिल्ह्यातील शेगाव येथे सुद्धा राष्ट्रपती यांचा संभाव्य दौरा आहे..
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.