ओबीसी समाजाच्या आंदोलानानंतर मनोज जरांगे पाटील आक्रमक झाले आहेत. आता मराठा आरक्षण आंदोलन अजून तीव्र आणि आक्रमकपणे करणार असल्याचं संकेत त्यांनी दिलंय. त्याचपार्श्वभूमीवर जुलै महिन्याच्या अखेरीस पुण्यात जरांगे पाटील भव्य सभा घेणार आहेत.

पुण्यात जुलै महिन्याच्या शेवटच्या आठवड्यात मनोज जरांगे यांची सभा होणार आहे. ज्या मैदानावर मोदींची सभा झाली होती, त्याच ठिकाणी होणार मनोज जरांगे यांची सभा होणार आहे. पुण्यातील रेस कोर्स मैदानावर सभेचे आयोजन करण्यात येणार आहे. मनोज जरांगे पाटील यांच्या नेतृत्वाखालील अंतरवाली सराटी येथे काल पुणे जिल्हा मराठा समाजाची बैठक पार पडली . या बैठकीत रेस कोर्सच्या मैदानावर सभा घेण्याचा निर्णय घेण्यात आलाय.

जालन्यात आणि पुण्यात ओबीसी समाजाच्या नेत्यांनी आंदोलन केलं होतं. सरकारने ओबीसी आंदोलकांच्या मागण्या मान्य केल्यानंतर मराठा आरक्षण आंदोलनकर्ते जरांगे आक्रमक झाले आहेत. सरकारला १३ जुलैपर्यंत ओबीसी प्रवर्गातून आरक्षण देण्यासाठी वेळ दिलाय. सरकारने १३ जुलैपर्यंत मागणी पूर्ण केलं नाही तर जरांगे मोठा निर्णय घेतील अशी शक्यता वर्तवली जात आहे.