मराठा आरक्षण जनजागृती शांतता रॅली सुरू झाल्यापासून मनोज जरांगें पाटील सातत्यांने छगन भुजबळ आणि उपमुख्यमंत्री देवेंद्र फडवीस यांच्यावर गंभीर टीका करत आहेत. आज धाराशिवमध्येही त्यांनी देवेंद्र फडणवीस यांना, छगन भुजबळ यांच्या नादी लागू नका, नाहीतर तुमच्यावर वाईट वेळ येईल, असा इशारा दिला आहे.

देशात केवळ मराठ्यांच्याच सरकारी नोंदी आहेत. त्यामुळे नोंदी रद्द केल्या तर 288 आमदार पाडणार म्हणजे पाटडणार. आम्हाला त्या वळणावरती नेवू नका. छगन भुजबळ यांना समझवून सांगा. धनगर बांधवाच्या आरक्षणाला कोणताही धक्का लागणार नाही. छगन भुजबळ यांचं ऐकू नका, ते दिशाभूल करतात. थोडं थांबां तुमचा कार्यक्रमच करतो, असा धमकी वजा इशारा भुजबळांना दिला आहे.

देवेंद्र फडणवीस यांनी विनाकारण द्वेष पसरवू नये. 1974 ला ओबीसी समाजाला 16 टक्के आरक्षण मिळालं आणि आम्ही एकत्र आलो की तुम्ही जातीयवादी म्हणून डाग लावता. अंतरवालीत शांततेत आंदोलन सुरू होत, मात्र आमच्यावर लाठीचार्ज झाला. देवेंद्र फडणवीस तुम्ही छगन भुजबळ यांना बळ देवू नका. भुजबळ यांच्या नादी लागून तुमच्यावर वाईट वेळ येईल. त्यांचं न ऐकता मराठा समाजाला आरक्षण द्या, अशी मागणी त्यांनी केली.