अजय सोनवणे 

मनमाड (नाशिक) : मनमाडच्या पानेवाडी टर्मिनल येथील इंधन कंपनीच्या टँकर चालकांनी संप पुकारला होता. (Manmad) यामुळे काल रात्रीपासून इंधन पुरवठा ठप्प झाला होता. दरम्यान आज दुपारनंतर पोलीस (Police) बंदोबस्तात इंधन भरून टँकर रवाना करण्यात आले. (Live Marathi News)

हिट अँड रन या कायदा लागू करण्यात येत असल्याने ट्रक चालक आक्रमक झाले आहेत. मागील आठवड्यात या विरोधात चालक- मालक संघटनेने बंद पुकारला होता. यामुळे इंधन पुरवठा देखील थांबला होता. दरम्यान कायदा तूर्तास लागू न करण्याचे सरकारकडून सांगण्यात आल्यानंतर संप मागे घेण्यात आला होता. परंतु पुन्हा एकदा ट्रक चालकांनी आंदोलनाचे हत्यार उचलले आहे. यामुळे काल रात्रीपासून इंधन पुरवठा थांबला होता.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलीस बंदोबस्तात टँकर रवाना 

दरम्यान आज दुपारी वाहतूकदार व पेट्रोल पंप मालक यांची कंपनी अधिकाऱ्यांसोबत बैठक झाली, परंतु हि बैठक निष्फळ ठरल्याने त्यांना नोटिसा देण्यात आल्या. या नंतर अखेर वाहतूकदार व पेट्रोलपंप मालकानी आपल्या गाड्या पोलीस बंदोबस्तात भरल्या असल्या तरी अनेक टँकर चालकांनी मात्र अद्याप संपात सहभागी असल्याने ४० टँकर इंधन भरून बाहेर पडले आहे.