अजय सोनवणे 

मनमाड (नाशिक) : नाशिकच्या धानोरा शिवारात माल वाहतूक करणाऱ्या ट्रकने (Manmad) सायकलस्वारास धडक देत चिरडल्याची घटना घडली. हा अपघात येवला- मनमाड महामार्गावर (Accident) दुपारी घडला आहे. (Breaking Marathi News)

येवला- मनमाड महामार्गावर झालेल्या अपघातात जनार्धन गायकवाड (वय ५५) यांचा मृत्यू झाला आहे. जनार्दन गायकवाड हे बाजारात सायकलने जात होते. बाजारात पोहचण्यापूर्वीच त्यांना ट्रकने धडक दिली. यात ते खाली पडले. यानंतर ५० फूट लांब फरफटत नेले. त्यात त्यांचा अक्षरशः चेंदामेंदा झाल्याने त्यांचा जागीच मृत्यू झाला.  

ट्रक चालक फरार 

सदर अपघाताची माहिती मिळताच पोलीस घटनास्थळी दाखल झाले. त्यांनी मृतदेह रुग्णवाहिकेतून उपजिल्हा रुग्णालयात हलविला. दरम्यान ट्रक चालक घटनास्थळाहुन पसार झाला असून पोलीस त्याचा शोध घेत आहे. या अपघातामुळे या मार्गावरची वाहतूक मात्र काही काळ विस्कळीत झाली होती.