रोहिदास गाडगे
ऐन सनासुदीच्या तोंडावर मंचर शहरात मध्यरात्रीच सात जणांच्या टोळीने ज्वेलर्सवर सिनेस्टाइल दरोडा टाकलाय. नागरिक आणि मंचर पोलीसांच्या सतर्कतेमुळे मोठा अनर्थ टळलाय. यावेळी दरोडा टाकुन पळुन जाणाऱ्या पाच जणांच्या टोळीला मुद्देमालासह अटक केलीये.
मिळालेल्या अधिक माहितीनुसार, मंचर शहरातील उत्तमभाग्य ज्वेलर्स या सोन्याच्या दुकानात मध्यरात्री ७ तरुणांकडून दरोडा टाकण्याचा प्रयत्न करण्यात आला. यामध्ये सोने चांदीच्या दागिन्यांसह रोख रक्कम घेऊन चोरटे पळून जाण्याच्या तयारी होते. त्यावेळी मंचर शहरातील जागरुक नागरिकांच्या सतर्कतेमुळे या चोरट्यांचा डाव फसला आहे.
चोरट्यांची टोळी दुकानात आणि घरामध्ये असताना स्थानिक नागरिकांच्या मदतीने मंचर पोलीसांनी सिनेस्टाइलने सापळा रचला. सापळा रचून पोलिसांनी ५ जणांच्या मुसक्या आवळल्यात. मात्र यातून दोघांना पळून जाण्यात यश आलं आहे. अटक करण्यात आलेल्या पाच दरोडेखोरांकडून १८ किलो ७१० ग्राम चांदी, ०२ लाख २२ हजार रोकड आणि ०५ तोळे सोन्याचा समावेश आहे.
चोरट्यांकडून कोयते, गॅस कटरसह इतर हत्यारे देखील हस्तगत करण्यात आली आहेत. या प्रकरणी मंचर पोलीस ठाण्यात गुन्हा दाखल करण्याची प्रक्रिया सुरू आहे. खेड विभागाचे उप विभागीय पोलीस अधिकारी सुदर्शन पाटील यांनी घटनास्थळाला भेट देऊन पाहणी केलीये.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.